Type to search

بڑی خبر خبریں سیاست

کراچی کے وکلا کی بھی ڈاکٹروں پر ‘حملے’ کی دھمکی

کراچی کے وکلا نے پیچھے رہنا گوارا نہیں کیا، لاہور کے بعد کراچی کے وکلا نے بھی ڈاکٹرز کو دھمکیاں دینا شروع کر دیں۔

تفصیلات کے مطابق کراچی کے وکلا کی ڈاکٹرز کو دھمکیوں کی ویڈیو وائرل ہو گئی، وکلا نے دھمکی دیتے ہوئے کہا ہے کہ لاہور کے وکلا نے جو کیا صحیح کیا، ہم بھی ایسا ہی کریں گے۔

کراچی کے وکلا نے ویڈیو میں کہا لاہور کے وکلا نے ڈاکٹروں کو سبق سکھایا، بہت اچھا کیا، ڈاکٹرز کو بتانا چاہتے ہیں کہ پورے پاکستان کے وکلا متحد ہیں، ڈاکٹرز سن لیں جب ہتھیار اٹھاتے ہیں تو استعمال بھی کرتے ہیں۔

وکلا نے دھمکی دیتے ہوئے کہا کہ کہیں پر بھی ڈاکٹرز ہوں ہم نہیں چھوڑیں گے، کراچی کے جناح اسپتال کے ڈاکٹرز کو بھی نہیں چھوڑیں گے، یہ ملک ڈاکٹرز نے نہیں وکلا نے بنایا ہے، ڈاکٹرز نے کچھ کیا تو پورے ملک کے اسپتالوں میں گھس کر ماریں گے، آج کراچی سے نکل رہے ہیں، کل لاہور کا کوئی ڈاکٹر، اسپتال نہیں بچے گا۔

واضح رہے کہ تین دل قبل لاہور میں وکلا نے پنجاب انسٹی ٹیوٹ آف کارڈیالوجی پر دھاوا بول دیا تھا، اس دوران وکلا نے صوبائی وزیر اطلاعات فیاض الحسن چوہان پر شدید تشدد کیا اور اسپتال میں توڑ پھوڑ کی۔ جس کے بعد پولیس نے لاہور بار کونسل کے صدر سمیت 15 وکلا کو گرفتار کیا تھا۔ حملے کے خلاف دو مختلف ایف آئی آرز درج کرائی گئی تھیں جن میں ڈھائی سو وکلا کو نامزد کیا گیا ہے۔

واقعے کے بعد ڈاکٹرز کے ساتھ ساتھ وکلا نے بھی ملک میں بھر میں ہڑتال کا اعلان کر دیا تھا۔

Tags:

Leave a Comment

Your email address will not be published. Required fields are marked *