Type to search

تجزیہ سیاست

وزیر اعلی پنجاب عثمان بزدار کے نام کھلا خط

محترم جناب وزیر اعلی پنجاب عثمان بزدار صاحب! جب سے آپ وزیر اعلی پنجاب بنے ہیں ہم یہ سمجھتے ہیں کہ ہم تونسہ کے لوگوں پر پچھلے 70 سالوں پر پہلی دفعہ قسمت مہربان ہوئی ہے اور اس کے لیے ہم وزیر اعظم پاکستان جناب عمران خان صاحب کے بھی شکر گزار ہیں کہ انہوں نے آپ کو وزیر اعلی مقرر کر کے ہم تونسہ والوں کو ساری عمر کے لیے مقروض کر دیا اور ہمارے لیے واقعی تبدیلی آ گئی۔

محترم جناب وزیراعلی صاحب اس بات میں کوئی شک نہیں جب آپ کی حکومت آئی تو وطن عزیز معاشی مشکلات کا شکار بھی تھا اور اسکے علاوہ نئی حکومت کو بے شمار چیلینجز بھی درپیش تھے، جن کو آپ نے قلیل مدت میں حل کرنے کی مخلص کوشش بھی کی ہے۔

جناب وزیر اعلی صاحب میری بستی گنجے والی اور میرا علاقہ موضع جانگرہ پاکستان کے پسماندہ ترین علاقوں میں سے ایک علاقہ ہے، آپ کے وزیر اعلیٰ بننے کے بعد تونسہ کے ہی ایک علاقہ ہونے کے ناطے ہمیں ایک امید پیدا ہوئی کہ آپ ضرور پنجاب کے باقی پسماندہ علاقوں کی طرح ہمارے علاقے کے بھی بنیادی مسائل حل کریں گے۔

جناب وزیر اعلی میری بستی اور گرد و نواح کے لوگ آپ کے وزیر اعلی بننے کے ڈیڑھ سال بعد بھی صاف پینے کے پانی کی بوند بو ند کو ترس رہے ہیں اورآج بھی انسان اور حیوان ایک ہی جگہ پانی پی رہے ہیں۔ ہمارے علاقے کے لوگ خصوصا حاملہ عورتیں آج بھی سڑک جیسی بنیادی سہولت اور قریب میں ہسپتال نہ ہونے کی وجہ سے نئی زندگی کو ایک موت کی قیمت پر جنم دے رہی ہیں۔ میرے علاقے کی تمام بستیوں میں حکومت کی طرف سے ایک پیناڈول کی گولی بھی دستیاب نہیں ہے۔ میری بستی میں ایک ہی پرائمری سکول ہے جو شاید ہمیں پاکستان بنے کے بعد واحد سرکاری عمارت نصیب ہوئی۔

محترم جناب وزیر اعلی صاحب مجھے نہ تو آپ کی نیت پہ شک ہے اور نہ صلاحیت پہ بس آپ سے گزارش ہے کہ آپ میری بستی اور میرے علاقے کے لوگوں کو پینے کا پانی مہیا کر دیں تاکہ لوگ آپ کے وزیر اعلی بنے سے صاف پانی پی سکیں تو ہمارا مقدر بدل جائے۔ ایک سڑک دے دیں تو شاید کئی مریض اور حاملہ عورتوں کو تونسہ پہنچنے تک بنیادی علاج معالجہ نصیب ہوسکے۔

محترم جناب وزیر اعلی صاحب آگر آپ بھی ہمارے لیے کچھ نہیں کر سکے تو شاید پھر وزیر اعظم صاحب کے آپکو وزیر اعلی بنانے والے فیصلے کی ہم کیسے تعر یف کریں گے کہ انہوں نے پسماندہ علاقے کے لوگوں میں سے ایک وزیر اعلی چنا ہے۔

صاف پینے کے پانی اور علاج معالجے کے لیے تونسہ شہر جانے کے لیے ایک دس کلومیٹر کی سڑک وزیر اعلی کے منصب کے لیے شاید کوئی بڑا کام نہیں لیکن صاف پانی پینے کو ترستی اور پیناڈول کی گولی کو سسکتے لوگوں کے لیے یہ چیزیں کسی نعمت سے کم نہیں۔

محترم جناب وزیر اعلی صاحب پینے کا صاف پانی مانگنے کے لیے اس فورم کے علاوہ میرے پاس کوئی اور دادرسی کا فورم موجود نہیں آخر میں شاکر صاحب کا ایک شعر آپ کی نظر۔۔
ڈونہیں مو ئیں ہائیں شاکر پانڑی کیں
میکوں ترحے ماریس تیکو چھل ماریس
وسلام

Tags:

You Might also Like

Leave a Comment

Your email address will not be published. Required fields are marked *