گزشتہ روز یہ خبر سامنے آئی تھی کہ کوہاٹ فورٹ میں ہونیوالے گرینڈ امن جرگے میں فریقین کے درمیان معاہدے کو تقریباً آخری اور حتمی شکل دیدی گئی ہے۔ مجوزہ معاہدے کے مطابق دونوں فریقین بھاری ہتھیار حکومت کو دینے پر آمادہ ہو گئے ہیں ۔
ذرائع نے دعویٰ کیا ہے کہ کوہاٹ گرینڈ جرگے میں مشیران نے دستخط کر دئیے ہیں ، ایک فریق کے چند افراد آج دستخط کر دیں گے جبکہ کمشنر کوہاٹ آفس میں آج جرگہ حتمی فیصلے کے اعلان کرے گا۔
پارا چنار پشاور مرکزی شاہراہ اور اپر کرم کے راستے ڈھائی ماہ سے بند اور اپر کرم کو ہر قسم کی سپلائی معطل ہے۔
تحصیل چیئر مین آغا مزمل کا کہنا ہے کہ ادویات کی قلت کے باعث علاج نہ ملنے سے 123بچوں کا انتقال حکومت کیلئے لمحہ فکریہ ہے۔ آغاز مزمل نے مزید کہا کہ کرم میں اشیائے ضروریہ کا فقدان ہے، ہوٹلز ،پبلک ٹرانسپورٹ اور کاروباری مراکز 3 ہفتوں سے بند پڑے ہیں۔
پارا چنار کی ابتر صورتحال کے خلاف کرم پریس کلب میں 9دن سے دھرنا جاری ہے جبکہ شہر کے دیگر علاقوں میں 5مقامات پر بھی دھرنے دیئے جا رہے ہیں۔ کراچی میں بھی پارا چنار کی صورتحال پر مختلف علاقوں میں دھرنے دیئے جا رہے ہیں جس کے باعث ٹریفک کی روانی شدید متاثر ہے اور دھرنوں کے باعث سڑکیں بند ہونے کی وجہ سے ٹریفک پولیس نے متبادل روٹس بتا دیئے ہیں۔
خیبر پختون خواہ کے ضلع کرم میں قیام امن کیلئے کوہاٹ میں گرینڈ امن جرگہ میں فریقین کے درمیان معاہدے کو تقریباً حتمی شکل دیدی گئی ہے۔