فرانس میں گستاخانہ خاکوں کے معاملے اور فرانس سے تعلقات کے درخواست پر سماعت کرتے ہوئے اسلام آباد ہائی کورٹ نے فرانس سے سفارتی تعلقات منقطع کرنے کا معاملہ وفاقی کابینہ کے سامنے رکھنے کا حکم دے دیا۔
عدالت نے فرانس سے سفارتی تعلقات منقطع کرنے کی درخواست پر سماعت کی. اسلام آباد ہائیکورٹ کے جسٹس محسن اختر کیانی نے شہری کی درخواست پر سماعت کی اور ریمارکس دیےکہ پاکستان کی حکومت نے مذمت توکی ہے اور فرانسیسی سفیرکو بھی بلایا ہے، قومی اسمبلی سے قرار داد بھی پاس ہوئی ہے اور پارلیمنٹ سے قرار دادکا آنا بھی عوام کی ترجمانی ہے۔
عدالت نے معاملہ وفاقی کابینہ کے سامنے رکھنے کا حکم دیتے ہوئے کیس نمٹادیا۔
عدالت نے کہا کہ کابینہ عوامی جذبات کو سامنے رکھ کر فیصلہ کرے۔