بھارت کی آبی جارحیت، پاکستان میں سیلاب کا خدشہ

بھارت نے بغیر اطلاع کے پاکستان کی جانب سیلابی پانی چھوڑ دیا ہے جس سے گلگت بلتستان اور پنجاب میں بڑے پیمانے پر سیلاب کا خدشہ پیدا ہوگیا ہے۔ دریائے ستلج اور دریائے سندھ میں سیلابی صورتحال ہے، دریاؤں کے کنارے رہنے والے لوگ نقل مکانی پر مجبور ہوگئے ہیں۔

سیلاب سے ہزاروں ایکڑ زمین اور سینکڑوں دیہات متاثر ہونے کا خطرہ ہے، حکومت نے دریاؤں کے کناروں پر آباد لوگوں کو محفوظ مقامات پر منتقل ہونے کی ہدایت کی ہے۔ ایمرجنسی صورتحال کے پیش نظر انتظامیہ نے تمام متعلقہ اداروں کو الرٹ کردیا ہے۔ پنجاب حکومت نے سیلابی صورتحال سے نمٹنے کے لئے پاک فوج کی دو کمپنیاں طلب کی ہیں۔