عمران خان جھوٹ بولنے سے باز آ جائو، ورنہ منہ چھپانے کی جگہ نہیں ملے گی، مریم نواز کی وارننگ

مسلم لیگ ن کی نائب صدر مریم نواز شریف نے عمران خان کو وارننگ دیتے ہوئے کہا ہے کہ وہ جھوٹ بولنے سے باز آجائیں، ورنہ انھیں منہ چھپانے کیلئے کہیں جگہ نہیں ملے گی۔

سماجی رابطوں کی ویب سائٹ ٹویٹر پر جاری اپنے پیغام میں مریم نواز شریف نے انتہائی تلخ لہجہ اختیار کرتے ہوئے لکھا کہ فتنہ خان پورے پاکستان میں واحد شخص تم ہو جس کا اسرائیل سے براہ راست خاندانی واسطہ ہے۔

https://twitter.com/MaryamNSharif/status/1531246469675888640?s=20&t=Pe9K7N_1bkPaScXgmYIe_Q

انہوں نے لکھا کہ ایک مسلمان پاکستانی کے مقابلے میں زیک گولڈ سمتھ کی الیکشن مہم کرنے والے میں تمہیں وارننگ دیتی ہوں کہ جھوٹ بولنے سے باز آ جائو ورنہ منہ چھپانے کی جگہ نہیں ملے گی۔

مریم نواز شریف کا کہنا تھا کہ جھوٹے خط، جھوٹی عالمی سازش، قتل کا جھوٹا ڈرامہ فیل ہونے کے بعد، تاریخ کے سب سے ناکام لانگ مارچ کے بعد اب اسرائیل وفد بھیجے جانے کی انتشار خان کی ایک اور دو نمبری!

https://twitter.com/MaryamNSharif/status/1531208940842889217?s=20&t=Pe9K7N_1bkPaScXgmYIe_Q

اپنی ایک اور ٹویٹ میں مریم نواز نے لکھا کہ جب چوری کی ہو تو پھر ایسے فرار اختیار کرنے کی کوشش کی جاتی ہے۔ اصل خوف یہ ہے کہ پکڑے گئے تو قدموں کے نشان بنی گالہ محل تک جائیں گے۔