اپنی انسٹاگرام پوسٹ میں عامر لیاقت حسین نے لکھا کہ سب پتہ چل گیا ہے تم نے کس کے ذریعے کتنے پیسے بھجوائے کیونکہ تمہیں معلوم تھا کہ یہاں پیسوں سے ہی کام ہوگا۔
ان کا کہنا تھا کہ بس ایک غلطی کر بیٹھے۔ اپنی حمایت میں ٹک ٹاک ویڈیوز تو نہ بنواتے ۔ عامر لیاقت حسین نے عمران خان کو بدعائیں دیتے ہوئے لکھا کہ استغاثہ ہے میرا رب کے حضور تم الیکشن کبھی نہ جیتو۔
اپنی پوسٹ میں عامر لیاقت نے لکھا کہ لودھراں والے “میاں” کو بتا دو مزید سپورٹ کا کوئی فائدہ نہیں اور 2 نمبروں میں سے کوئی نمبر نظر رکھنے والوں سے چھپا نہیں ہے۔
انہوں نے لکھا کہ جی تو چاہتا ہے پورا ریکارڈ سپریم کورٹ میں دے دوں لیکن دانیہ ابھی تک میرے نکاح میں ہے اور منکوحہ کو عدالتوں میں نہیں گھسیٹتے۔ تم پر اب عدت میں شادی کا عذاب آئے گا لکھ لو آئے گا۔
رکن قومی اسمبلی کا کہنا تھا کہ میں نے صرف مخالفت کی تھی لیکن تم اتنے کینہ پرور ہو کہ گھر توڑ ڈالا۔ مرد تھے تو دلائل سے مقابلہ کرتے، ان غریبوں کو کیوں لالچ دلوائی، ناکام امیدوار کے ذریعے؟
عامر لیاقت حسین کا کہنا تھا کہ اور ہاں میں نے تو بقول تمہارے بیس کروڑ لئے تھے، جب ہی گیارہ کروڑ کا مہر مانگنے کو کہا؟ خان صاحب بد ذات ہوتا اور تمہاری دانست میں بکا ہوا لوٹا تو اب تک ڈی پی او گھر چلا جاتا اور لودھراں کے رکن قومی اسمببلی اور میرے دوست عبدالرحمن کانجو جو کہ وزیر مملکت برائے داخلہ ہیں، مداخلت کر چکے ہوتے۔ عمران اور عامر میں یہی فرق ہے، عمران بدلہ لیتا ہے، عامر اللہ پر چھوڑ دیتا ہے کیونکہ اس کی پکڑ شدید ہے۔