Type to search

تاریخ سیاست فیچر

ترکوں نے برصغیر پر کتنے سال حکومت کی؟

  • 5
    Shares

اسلام آباد: گذشتہ روز ترکی کے صدر رجب طیب اردوان کے ساتھ مشترکہ پریس بریفنگ کے دوران ترکی اور پاکستان کے باہمی تعلقات کے بارے میں بات کرتے ہوئے وزیر اعظم عمران خان کا کہنا تھا کہ ترکوں نے ہندوستان پر چھ سو سال حکومت کی ہے۔

اس کے بعد سے وزیر اعظم کے اس بیان پر سوشل میڈیا پر طرح طرح کے دلچسپ تجزیے دیکھنے کو مل رہے ہیں۔ کسی کا کہنا ہے کہ جغرافیے کے بعد خان صاحب نے تاریخ کو بھی مسخ کر ڈالا تو کسی صارف نے کہا کہ اردگان صاحب بھی اس انکشاف پر حیران رہ گئے ہوں گے۔

بہرحال کچھ صارفین نے سنجیدہ رد عمل دیتے ہوئے کہا کہ یہ بات بالکل درست ہے کہ ترکوں نے ہندوستان پر حکومت کی کیونکہ ہندوستان پر حکومت کرنے والے مغل، اصل میں ترک نسل ہی تھے۔ تاہم ان کا دور حکومت چھ سو سال کی بجائے تین سو اکتیس برس پر محیط تھا۔ مگر ان سے قبل مملوک اور تغلق بھی ترک النسل تھے۔ اور ان کا باہمی دورِ حکومت بھی قریب 178 برس ہے۔

یوں ترکوں کا برصغیر پر کل عرصہ حکمرانی کم از کم 509 سال بنتا ہے۔ اس کے علاوہ خلجیوں نے بھی ہندوستان پر 30 سال کے قریب حکومت کی ہے۔ تاہم، خلجیوں کو اب سے کچھ برس پہلے تک تو ترک سمجھا جاتا تھا لیکن گذشتہ چند دہائیوں میں محققین بڑی حد تک متفق ہیں کہ خلجی دراصل غلزئی پشتون تھے لہٰذا انہیں ترکوں میں شامل کرنا درست نہیں۔

Tags:

Leave a Comment

Your email address will not be published. Required fields are marked *