Type to search

انٹرٹینمنٹ انسانی حقوق خبریں خواتین

عامر لیاقت کے آگے گھگی بندھنے پر خلیل الرحمان قمر کے دوہرے معیار پر تنقید

متنازع شخیصت  خلیل الرحمان قمر جو  کہ ماروی سرمد کے ساتھ ایک لائیو ٹی وی شو میں  بد زبانی اور گالم گلوچ کرتے نظر آئے، دوسرے شو میں ڈاکٹر عامر لیاقت حسین کے سامنے مکمل طور پر بھیگی بلی بنے پائے گئے ہیں ۔

ڈاکٹر عامر لیاقت نے ایکسپریس نیوز کے لائیو شو میں خلیل الرحمان قمر پر سخت ترین الفاظ میں تنقید کی جس کے دوران وہ خاموشی سے بیٹھے سنتے رہے۔ عامر لیاقت نے خلیل رحمان کو نفسیاتی مریض قرار دیتے ہئے انہیں انسانی معاشرے کی حفاظت کے لئے انہیں الگ رکھنے کا مشورہ دیا۔ ڈاکٹر عامر لیاقت نے خلیل الرحمان قمر کو خود پسند، فرونیت پر مبنی طبیعت کا حامل دماغی مریض قرار دیا۔

تاہم جب اینکر نے خلیل الرحمان قمر کو عامر لیاقت کے تبصرہ پر ردعمل دینے کی دعوت دی تو انہوں نے معذرتخواہانہ  انداز میں خود کو عامر لیاقات کا مداح قرار دینے میں عافیت جانی۔

ناظرین ایک عورت کے سامنے گرجتے برستے خلیل الرحمان قمر کی عامر لیاقت کے سامنے گھگی بندھی دیکھ کر سوال کرتے نظر آرہے ہیں۔ کئی سوشل میڈیا صارفین نے سوال اٹھایا ہے کہ آیا خلیل الرحمان قمر کی مردانگی ڈاکٹر عامر لیاقت کے سامنے ہوا ہوگئی؟ جبکہ کچھ کا کہنا ہے کہ  خلیل الرحمان قمر ایک ایسا کمزور مرد ہے جو عورت کو دیکھ کر آپے سے باہر ہوجاتا ہے۔

Tags:

Leave a Comment

Your email address will not be published. Required fields are marked *