Type to search

Coronavirus احتجاج خبریں قومی

جنوبی وزیرستان: انٹرنیٹ بندش کی وجہ سے ہزاروں طالبعلم آن لائن کلاسز سے محروم، طالبعلموں کا انٹرنیٹ بحالی کے لئے مظاہرہ

  • 602
    Shares

سابقہ فاٹا کے ضلع جنوبی وزیرستان کے ہیڈکوارٹر وانا میں ملک کے مختلف تعلیمی اداروں کے طالبعلموں نے احتجاجی مظاہرہ کیا اور وفاقی اور صوبائی حکومت سے مطالبہ کیا ہے کہ ہزاروں طالبعلموں کے مستقبل کو بچانے کے لئے علاقے میں 3G اور 4G انٹرنیٹ سروس کو ایمرجنسی بنیادوں پر بحال کیا جائے۔

واضح رہے کہ سابقہ فاٹا میں کئی سال پہلے امن و امان کی مخدوش صورتحال کی پیش نظر موبائل انٹرنیٹ سروس بند کی گئی تھی جو تاحال بحال نہیں ہوسکی۔

مظاہرین نے احتجاجی مظاہرے سے خطاب کرتے ہوئے کہا کہ ملک میں کرونا وائرس کی وبا کی وجہ سے ملک کے تمام تعلیمی ادارے بند کر دیے گئے ہیں، جس کے بعد کئی یونیورسٹیز نے آن لائن کلاسز شروع کی ہیں مگر قبائلی علاقہ جات میں انٹرنیٹ سروس بند ہونے کی وجہ سے ہزاروں طالبعلم آن لائن کلاسز سے محروم ہیں، جس سے طالبعلموں کا سال ضائع ہونے کا خطرہ ہے۔

انھوں نے مزید کہا کہ وزیرستان کی ایک پوری نسل دہشتگردی کے خلاف جنگ میں برباد ہوچکی ہے اور اب نوجوان نسل گھروں سے نکل کر ملک کے تعلیمی اداروں میں پڑھ رہی ہے تو حکومت دوبارہ اس نسل کو برباد کرنا چاہتی ہے۔

مظاہرین نے وزیراعظم عمران خان، وزیراعلی محمود خان اور ضلعی انتظامیہ سے اپیل کی ہے کہ انٹرنیٹ سروس بحال کر کے ان کے مستقبل کو تباہ ہونے سے بچایا جائے۔

 

Tags:

Leave a Comment

Your email address will not be published. Required fields are marked *