Type to search

Coronavirus خبریں سیاست قومی

وفاقی دارالحکومت میں ٹائیگر فورس کے بجائے بلدیاتی نمائندوں سے ریلیف کا کام لیا جائے، ڈپٹی میئر اسلام آباد

ڈپٹی میئر اسلام آباد کا کہنا ہے کہ ٹائیگر فورس کا سیاسی تماشہ بند کر کے بلدیاتی نمائندوں کے ذریعے لوگوں کو فوری ریلیف اور راشن پہنچانے کی حکمت عملی بنائی جائے۔

اسلام آباد کے ڈپٹی میئر ذیشان علی نقوی نے کہا ہے کہ وفاقی دارالحکومت میں ٹائیگر فورس کے بجائے بلدیاتی نمائندوں سے ریلیف کا کام لیا جائے، ٹائیگر فورس کے سیاسی تماشے بند کر کے بلدیاتی نمائندوں کے ذریعے لوگوں کو فوری ریلیف اور راشن پہنچانے کی حکمت عملی بنائی جائے۔

جمعرات کو ایک بیان میں انہوں نے کہا کہ اسلام آباد میں بلدیاتی نظام فعال ہے، لہذا وفاقی دارالحکومت میں ٹائیگر فورس کے بجائے بلدیاتی نمائندوں سے ریلیف کا کام لیا جائے۔ بلدیاتی نمائندے مستحق افراد کے بارے بہتر معلومات رکھتے ہیں۔ حکومت کے پاس گیس، بجلی، راشن ہے اور نہ ہی ریلیف کی کوئی حکمت عملی ہے۔ ریلیف فنڈز میں عام آدمی کے لیے کوئی ریلیف نہیں ہے۔

کرونا کے پھیلاﺅ پر سخت تشویش کا اظہار کرتے ہوئے انہوں نے مزید کہا کہ حکمرانوں کا رویہ کرونا کیخلاف جنگ میں ہتھیار ڈالنے کے مترادف ہے۔

Tags:

You Might also Like

Leave a Comment

Your email address will not be published. Required fields are marked *