Type to search

خبریں قومی میڈیا

کروڑوں پاکستانیوں کا ڈیٹا چوری کر کے ڈارک ویب پر فروخت کرنے کا انکشاف

کروڑوں پاکستانیوں کی ذاتی معلومات کی تفصیلات غیرقانونی طور پر ڈارک ویب پر فروخت کرنے کا انکشاف ہوا ہے۔

پاکستان میں ایک سائیبر سیکورٹی کمپنی نے دعویٰ کیا ہے کہ 11 کروڑ 50 لاکھ صارفین کا موبائل نمبرز اور ذاتی معلومات کی تفصیلات کا ڈیٹا غیرقانونی طور پر چرا کر ایک ڈارک ویب پر 20 لاکھ ڈالرز سے زائد میں فروخت کے لیے پیش کیا گیا ہے۔

اس حوالے سے پاکستان ٹیلی کمیونیکیشن اتھارٹی (پی ٹی اے) حکام نے کہا ہے کہ اس انکشاف پر تحقیقات کر رہے ہیں، تاہم ابھی تک ٹھوس معلومات نہیں ملیں جب کہ حقائق کا سراغ لگانے کے لیے موبائل کمپنیوں سے مل کر تحقیقات کی جارہی ہیں۔

پی ٹی اے نے لوگوں سے درخواست کی ہے کہ وہ اپنی ذاتی معلومات کسی بھی فرد سے شئیر نہ کریں اور نہ ہی غیرمصدقہ ذرائع سے آنے والی معلومات یا کالز کو اٹینڈ کریں۔ ایسے حملے لوگوں کی ذاتی زندگی کو متاثر کرسکتے ہیں۔

Tags:

You Might also Like

Leave a Comment

Your email address will not be published. Required fields are marked *