Type to search

بین الاقوامی خبریں سیاست

شمالی کوریا کے صدر کم جونگ کی حالت نازک ہے، امریکی میڈیا کا دعویٰ

شمالی کوریا کے سربراہ کم جونگ کی صحت کے حوالے سے مختلف خبریں گردش کر رہی ہے، امریکی میڈیا نے دعویٰ کیا ہے کہ کم جونگ کا رواں ماہ دل کا آپریشن ہوا تھا، جس کے بعد وہ شدید علیل ہے۔

امریکی میڈیا کے مطابق 36 سالہ کم جونگ 15 اپریل کو والد کے یوم پیدائش کی تقریب میں بھی شریک نہیں ہوئے تھے جبکہ اس سے 4 دن قبل وہ ایک سرکاری اجلاس میں شریک تھے۔ اب ان کی بہن کم یو ملک کا کنٹرول سنبھال سکتی ہیں۔

دوسری جانب چین اور جنوبی کوریا کے ذرائع نے اس خبر کو غلط قرار دیا ہے۔

امریکی ذرائع کے مطابق امریکی نیشنل سیکیورٹی کونسل اور نیشنل انٹیلی جنس اس حوالے سے مؤقف دینے سے گریز کر رہے ہیں۔

کورین خبررساں ایجنسی یونہاپ کے مطابق کم جونگ کا 2 اپریل کو آپریشن ہوا تھا، ان کی طبیعت اب بہتر ہو رہی ہے اور وہ مشرقی ساحلی علاقے کی تفریح گاہ میں قیام پذیر ہیں۔

Tags:

Leave a Comment

Your email address will not be published. Required fields are marked *