اے آر وائی چینل کی پیپلز پارٹی کے خلاف مبینہ مہم کا انکشاف: ‘ملازم صحافیوں’ کو اعلیٰ حکام سے ملنے والی ہدایات لیک
اے آر وائی نیوز چینل جس پر اکثر اسٹیبلشمنٹ کے ماوتھ پیس چینل ہونے کے الزامات لگتے رہتے ہیں ایک بار پھر اپنے متنازعہ کردار کی وجہ سے خبروں میں ہے۔ پیپلز پارٹی جس کی سندھ حکومت کرونا وائرس کے خلاف جنگ میں بہترین حکمت عملی کی وجہ سے داد وصول کر رہی تھی اب اے آر وائی کے نشانے پر ہے۔ سوشل میڈیا پر لیک ہونے والی ایک دستاویز سے معلوم ہوتا ہے کہ چینل کی جانب سے پیپلز پارٹی کے خلاف باقاعدہ مہم کا آغاز کیا گیا ہے۔
اس دستاویز میں دراصل چینل کے اعلیٰ حکام کی جانب سے اپنے نمائندگان،رپورٹرز اور دیگر فیلڈ سٹاف کو کہا گیا ہے کہ وہ پورے سندھ میں گزشتہ 10 سالوں کے دوران صحت کے شعبہ میں پیپلز پارٹی کی ایک ایک ناکامی، کوتاہی اور کمیوں کے بارے میں رپورٹس بنائیں۔
بظاہر ایک ادارتی حکم میں یہ واضح ہے کہ حکم پیپلز پارٹی کی کارکردگی کو جانچنا نہیں بلکہ اس کے منفی نکات اکھٹے کرنے ہیں۔ اس میں لکھا گیا ہے کہ ہر نمائندہ ایک ایک رپورٹ فائل کرے گا جس میں بنیادی نکتہ یہ رہے کہ سہولیات نہ ہونے کا رونا رونے والے اور وفاقی حکومت پر مدد نہ کرنے کا الزام لگانے والے بتائیں کہ انکے لاکھوں ملازمین عوام کی مدد کر رہے ہیں یا وہ آرام کر ر ہے ہیں۔
This is the WhatsApp message that ARY News sent to all its reporters in Sindh so that they could launch an organized campaign against the Sindh government. The question is why only Sindh province?
#ARYNiazi @BBhuttoZardari @BakhtawarBZ @AseefaBZ @AmmadYousaf @SaeedGhani1 pic.twitter.com/Tbv6CF8hM2— M Shahzad Burfat (@mshahzadburfat) May 7, 2020
گذشتہ روز اے آر وائی کے مارننگ شو میں پیپلز پارٹی کے رہنما اور سندھ کے وزیر تعلیم سعید غنی شو کے میزبانوں پر پھٹ پڑے اور انہوں نے اے آر وائی کو انکے مبینہ آقاوں کے اشارے پر پیپلز پارٹی کے خلاف مذموم مہم کا مورد الزام ٹھہرایا۔
Bravo 💚 @SaeedGhani1 #ExposingAry on their channel that how ARY sending msgs to their reporters in Sindh and asking them to conspire packages against Sindh#AryNiazi #AryNiazi pic.twitter.com/uufYJLY2gl
— Sohail Khan Indher (@SohailKPPP) May 7, 2020
اس کے بعد سعید غنی نے ٹویٹر پر اے آر وائی کے وائس پریزیڈنٹ عماد یوسف جن کی جانب سے مبینہ طور پر یہ ہدایات اپنے ملازمین کو دی گئیں تھیں متعدد ٹویٹس میں ٹیگ کیا جن میں سندھ حکومت کے بہترین کاموں کی عکاسی کی گئی تھی اور سوال کیا کہ کیا تمہارے سندھ دشمن رپورٹر نے تمہیں یہ نہیں بتایا؟ انہوں نے چینل کی جانب سے اس مہم کو سندھ دشمنی قرار دیا۔
This is #SindhDushmanARY https://t.co/6RFaumM696
— Senator Saeed Ghani (@SaeedGhani1) May 8, 2020
اس وقت #ARYNIAZI کے نام سے ٹویٹر پر ٹاپ ٹرینڈ بنا ہوا ہے۔ پیپلز پارٹی کی جانب سے اسے سندھ حکومت کی کرونا کے خلاف کوششوں کو سبوتاژ کرنے کی سازش قرار دیا جا رہا ہے۔
یاد رہے کہ 2014 کے دھرنے سے لے کر اب تک اے آر وائی میڈیا میں اسٹیبلشمنٹ کی بی ٹیم سمجھی جاتی ہے۔ اس لئے اسکا جھکاؤ ہر اس سیاسی قوت کی طرف دیکھا جاتا ہے جس کے ساتھ اسٹیبلشمنٹ کی آشیر باد ہو۔
