Type to search

Coronavirus خبریں سیاست

قومی اسمبلی کا اجلاس : رکن قومی اسمبلی علی وزیر کا کرونا ٹیسٹ مثبت آگیا

قومی اسمبلی کا اجلاس جاری ہے اور اب خبر آئی ہے کہ قومی اسمبلی کے رکن اور پشتون تحفظ موومنٹ کے رہنما علی وزیر میں کرونا وائرس کی تصدیق ہو گئی ہے۔ قومی اسمبلی کے رکن اور پی ٹی ایم کے رہنما محسن داوڑ نے ٹویٹ کرتے ہوئے علی وزیر کے کرونا وائرس میں مبتلا ہونے کی خبر دی۔

محسن داوڑ نے لکھا کہ پی ٹی ایم کے رہنما اور ہمارے دوست علی وزیر میں کووڈ 19 کی تصدیق ہوئی ہے۔ وہ ضروری احتیاطیں اختیار کر رہے ہیں اوراب تک انکی طبعیت ٹھیک ہے۔ ہم سب سے انکو دعاؤں میں یاد رکھنے کی درخواست کرتے ہیں۔ 

یاد رہے کہ وفاقی وزیر سائنس و ٹیکنالوجی فواد چوہدری  وبا کے دوران قومی اسمبلی کا اجلاس بلانے پر اپنی ہی حکومت پر برس پڑے تھے۔  گذشتہ روز وفاقی وزیر فواد چوہدری کا ایک ٹویٹ سامنے آیا تھا ہے جس میں انہوں نے کہا تھا کہ کئی اراکین اسمبلی کا کرونا ٹیسٹ مثبت ہے،اس صورتحال کے بعد وہ اسمبلی کے جلاس میں نہیں جائیں گے۔ انہوں نے پارلیمانی کمیٹی کو تنقید کا نشانہ بناتے ہوئے کہ کہ قومی اسمبلی کے آن لائن اجلاس کی بجائے عام اجلاس بلانے کا فیصلہ اپوزیشن کے دباؤ میں کیا گیا۔ اور یہ غیر دانشمندانہ فیصلہ ہے جس سے تمام سیاسی قیادت کی جان خطرے میں ڈال دی گئی ہے۔ 

انہوں نے ٹویٹ میں لکھا ‘کئ اراکین اور عملے کے ٹیسٹ پازیٹو آنے کے بعد میں نے فیصلہ کیا ہے کہ آج اسمبلی کے اجلاس میں شرکت نہیں کروں گا، پہلے دن سے میں ویڈیو لنک پر سیشن کا کہ رہا ہوں اپوزیشن کے دباؤ میں آ کر پارلیمانی کمیٹی نے غیر دانشمندانہ فیصلہ کیا اور ملکی سیاسی قیادت کو غیر ضروری خطرے میں ڈال دیا۔

Tags:

You Might also Like

Leave a Comment

Your email address will not be published. Required fields are marked *