Type to search

خبریں صحت فیچر نوجوان

بستر پر لیٹ کر موبائل فون استعمال کرنے والوں کیلئے خطرے کی گھنٹی

برطانوی اخبار ڈیلی میل کی رپورٹ کے مطابق ماہرین کا کہنا ہے کہ سونے سے قبل تکیے پر سر رکھ کر ایک آنکھ بند کر کے موبائل فون کی سکرین پر نظر جمانا نظر کی کمزوری اور عارضی اندھے پن کا باعث بن سکتا ہے۔

اے اینڈ ای ڈاکٹرز کا کہنا ہے کہ ہسپتالوں میں ایک آنکھ کی نظر کی کمزوری کے مریضوں کی بڑی تعداد سامنے آ رہی ہے۔

مورفیلڈز آئی ہسپتال لندن کے ڈاکٹروں کا کہنا ہے کہ ان لوگوں کی ایک آنکھ کی بینائی کمزور یا ختم ہونے کی وجہ ان کا بستر پر لیٹے ہوئے ایک آنکھ بند کر کے موبائل فون استعمال کرنا ہے۔

ڈاکٹروں کے مطابق بہت سے لوگ رات کو ایک کروٹ پر لیٹتے ہیں۔ ان کی ایک آنکھ عموماً تکیے میں چھپی ہوتی ہے جبکہ دوسری آنکھ سے وہ موبائل فون پر مصروف ہوتے ہیں۔ یوں ان کی ایک آنکھ مکمل اندھیرے میں ہوتی ہے جبکہ دوسری میں ہائی ریزولوشن لائٹ پڑ رہی ہوتی ہے۔

بعد ازاں جب وہ شخص دونوں آنکھوں سے کمرے میں دیکھتا ہے تو روشنی میں رہنے والی آنکھ فوری طور پر اندھیرے میں دیکھنے کی صلاحیت کھو دیتی ہے جبکہ دوسری آنکھ اس کے برعکس کام کر رہی ہوتی ہے۔

اس صورتحال میں دونوں آنکھوں کو ہم آہنگ ہونے میں کافی دیر لگتی ہے۔ بتدریج یہ عمل آدمی کو نظر کی کمزوری اور عارضی اندھے پن کی طرف لے جاتا ہے۔

Tags:

Leave a Comment

Your email address will not be published. Required fields are marked *