Type to search

جرم خبریں دہشت گردی

پشتون تحفظ موومنٹ کے رہنما عارف وزیر کو افغانستان جا کر انٹرویو دینے کی وجہ سے قتل کیا گیا: آئی جی خیبر پختونخوا

پشتون تحفظ موومنٹ کے مقتول رہنما عارف وزیر کے قتل کے بارے میں پہلی بار کسی بھی ریاستی انتظامی ادارے کے سربراہ کی جانب سے کوئی بیان سامنے آیا ہے۔ عارف وزیر کے قتل کی تحقیقات کرنے والی خیبر پختونخواہ پولیس کے آئی جی ثنا اللہ عباسی  نے کہا ہے کہ عارف وزیر کے قتل کا تعلق افغانستان جا کر دیئے جانے والے متنازعہ ٹی وی بیانات سے ہے۔

اور اس حوالے سے ایک پرئیویٹ ٹیلی ویژن چینل کو انٹرویو کی جانب اشارہ کیا گیا ہے۔  صحافی منیزے جہانگیر کے پروگرام میں بات کرتے ہوئے انکا کہنا تھا کہ ان کے قتل تب ہوتے ہیں جب یہ جا کر افغانستان میں انٹرویو دیتے ہیں اور متنازعہ باتیں کرتے ہیں۔

انہوں نے کہا کہ خیبر پختونخوا پولیس اس قتل کو انویسٹیگیٹ کر رہی ہے اور لازمی طور پر اس قتل کا ایک پس منظر ہوگا۔ ان کا کہنا تھا کہ لازمی طور پر انکا ماضی قریب میں ہی دورہ افغانستان کا انکے قتل کے ساتھ کوئی نہ کوئی تعلق ہے۔ یاد رہے کہ عارف وزیر کو 2 مئی 2020 کو افطار سے چند لمحے قبل انکے گھر کے قریب کار سوار حملہ آوروں نے گولیوں سے چھلنی کر دیا تھا۔ انہیں ڈسٹرکٹ ہیڈ کوارٹر ہسپتال اور بعد میں ڈی آئی خان منتقل کیا گیا تاہم وہ جانبر نہ ہو سکے تھے۔ عارف وزیر ممبر قومی اسمبلی اور پشتون تحفظ مومنٹ کے رہنما علی وزیر کے بھتیجے تھے۔

Tags:

You Might also Like

Leave a Comment

Your email address will not be published. Required fields are marked *