Type to search

بین الاقوامی خبریں خواتین

رافعہ ارشد برطانوی تاریخ میں پہلی باحجاب مسلمان خاتون جج مقرر

برطانیہ کی تاریخ میں پہلی مرتبہ باحجاب مسلمان خاتون رافعہ ارشد جج کے عہدے پر فائز ہوگئی ہیں۔ جج کے عہدے کے ساتھ ساتھ جلد ہی مڈلینڈ میں ڈپٹی اٹارنی جنرل کا عہدہ سنبھالنے والی 40 سالہ رفعہ ارشد کا تعلق لیڈز سے ہے۔

برطانوی اخبار کو انٹرویو میں رافعہ نے بتایا کہ 11 سال کی عمر میں جج بننے کا خواب دیکھا تھا، لا کالج کے انٹرویو کے وقت اہلِخانہ نے حجاب اتارنے کو بھی کہا تھا لیکن انہوں نے انکار کر دیا تھا۔

انہوں نے مسلمان نوجوانوں کی حوصلہ افزائی کرتے ہوئے کہا کہ وہ نوجوان مسلمانوں کو یہ پیغام دینا چاہتی ہیں کہ وہ جس چیز کے بارے میں سوچ سکتے ہیں اسے حاصل بھی کر سکتے ہیں۔

ان کا کہنا تھا میں اس بات کو یقینی بنانا چاہتی ہوں کہ معاشرے میں مختلف نظریات اور سوچ رکھنے والے افراد کے مسائل کو بھی سنا جائے کیونکہ یہ معاشرے کی مسلمان خواتین کے لیے بہت اہم ہے۔

حجاب کے حوالے سے رافعہ کا کہنا تھا کہ زندگی میں متعدد مقام پر انہیں حجاب جاری رکھنے کے لئے جنگ لڑنا پڑی، انہوں نے کہا کہ حجاب کرنا یہاں اتنا آسان نہیں ہے اور میں اس کے لیے کئی سالوں سے جدوجہد کر رہی ہوں۔

انہوں نے کہا کہ میرے عزیز و اقارب نے کہا کہ حجاب پہننے سے کامیابی کے امکان کم ہوجائیں گے میں نے اس وقت بھی اسے ترک نہیں کیا۔ انہوں نے کہا کہ مجھے یہ عہدہ اپنی قابلیت اور صلاحیت کی وجہ سے ملا ہے حجاب پہننے کی وجہ سے نہیں۔

رافعہ پچھلے پندرہ سالوں سے، بچوں کے متعلق قانون، جبری شادی، خواتین کی نسلی تخفیف اور اسلامی قانون سے متعلق پریکٹس کر رہی ہیں۔

Tags:

Leave a Comment

Your email address will not be published. Required fields are marked *