Type to search

جرم خبریں قومی

خیبرپختونخوا: شہری نے اپنے ہی خاندان کے 5 افراد کو قتل کر دیا

خیبر پختونخوا کے ضلع بٹگرام کی پولیس کا کہنا ہے کہ حبس بے جا میں رکھے ہوئے افراد کی بازیابی کی کوشش کے دوران ایک شہری نے اپنے ہی خاندان کے 5 افراد کو قتل کر دیا جبکہ پولیس نے کارروئی کے دوران 3 بچوں کو بحفاظت نکال لیا۔

ڈی پی او بٹگرام طارق سہیل نے واقعے کی تصدیق کرتے ہوئے کہا کہ پولیس کو اطلاع ملی تھی کہ ضلع بٹگرام کے علاقے پازنگ میں مسلح شخص نے اسلحے کی نوک پر اپنے خاندان کے افراد کو حبس بے جا میں رکھا ہوا تھا۔

انہوں نے کہا کہ ملزم کی شناخت جہانزیب خان کے نام سے ہوئی ہے، جس نے پولیس کے پہنچنے سے قبل دونوں بیویوں، بیٹا اور بہو کو قتل کردیا تھا۔

ڈی پی او نے مزید بتایا کہ مسلح شخص نے پولیس پر بھی فائرنگ کی، جس کے نتیجے میں ایک اہلکار زخمی ہوگیا جبکہ جوابی فائرنگ سے ملزم بھی ہلاک ہوگیا۔

واقعے کے حوالے سے انہوں نے مزید بتایا کہ پولیس نے جن بچوں کو بحفاظت بازیاب کروایا ہے ان کی عمریں 2 سال سے 17 سال کے درمیان ہیں۔

طارق سہیل کے مطابق پولیس نے مقدمہ درج کر کے واقعے کی مزید تفتیش شروع کر دی ہے۔ پولیس اس وقت قتل کے واقعے کے پیچھے محرکات سے لاعلم ہے جبکہ پولیس ملزم کی ذہنی حالت کے بارے میں بھی معلومات اکٹھی کررہی ہے۔

Tags:

Leave a Comment

Your email address will not be published. Required fields are marked *