Type to search

Coronavirus خبریں

‘کرونا وائرس کے حوالے سے حالات ایسے ہی رہے تو حکومت سخت لاک ڈاؤن نافذ کر سکتی ہے’

وزیر خارجہ شاہ محمود قریشی نے کہا ہے کہ ہر گزرتے دن کے ساتھ کرونا وائرس کے مریضوں کی تعداد بڑھ رہی ہے اور اگر حالات اسی طرح رہے تو حکومت سخت لاک ڈاؤن نافذ کرنے پر مجبور ہو گی۔

بی بی سی کے مطابق ملتان میں کیٹررز اور ہالز ایسوسی ایشن کے ایک وفد سے بات چیت کرتے ہوئے وزیر خارجہ نے کرونا وائرس کی وبا پر قابو پانے کے لیے حکومت کے جاری کردہ ضابطہ کار کی خلاف ورزی پر تشویش کا اظہار کیا۔

ان کا کہنا تھا کہ حکومت نہ صرف کرونا وائرس کی وبا پر قابو پانا چاہتی ہے بلکہ لوگوں کو بھوک سے بھی بچانا چاہتی ہے۔ دوسری جانب پاکستان میں کرونا  متاثرین کی تعداد 72 ہزار سے تجاوز کر گئی ہے جبکہ اموات کی تعداد بھی 1543ہو چکی ہے۔

نیشنل کمانڈ اینڈ آپریشن سینٹر کے جاری کردہ اعدادو شمار کے مطابق گذشتہ 24 گھنٹوں کے دوران پاکستان میں کرونا وائرس کے تصدیق شدہ 2964 نئے مریضوں جبکہ 60 اموات کی تصدیق کی گئی ہے۔

پاکستان میں سب سے زیادہ 497 ہلاکتیں صوبہ پنجاب میں ہوئی ہیں۔ مریضوں کے لحاظ سے سب سے متاثرہ صوبہ سندھ ہے جہاں تقریباً 28 ہزار سے زائد افراد کورونا وائرس کا شکار ہیں۔ پاکستان میں صحتیاب ہونے والے افراد کی تعداد 26 ہزار سے زائد ہے۔

Tags:

You Might also Like

Leave a Comment

Your email address will not be published. Required fields are marked *