Type to search

بلاگ صحت فیچر کورونا وائرس

کرونا وائرس: حکومت آپ کو اجتماعی مدافعت کے نام پر موت کی طرف دھکیل رہی ہے، اپنے پیاروں کو خود بچاؤ

پہلے بھی کہا تھا، آج پھر کہتا ہوں کہ ہماری ریاست، حکومت اور اس کے تمام ادارے آپ کے تحفظ میں سنجیدہ نہیں ہیں۔ وہ سب آپ کو اجتماعی مدافعت کے نام پر موت کی طرف دھکیل رہے ہیں۔ میڈیا آپ کو آگاہ کر سکتا تھا پر وہ مفتوح اور مجبور ہے۔

اپنے پیاروں کو خود بچاؤ۔ ماسک پہنو، 6 فٹ سے زیادہ فاصلہ رکھو، جب کسی چیز کو چھوؤ تو اپنے چہرے سے ہاتھوں کو دور رکھو اور فوراً ہینڈ سینیٹائزر لگا لو۔ موقع ملتے ہی صابن سے ہاتھوں کو کم از کم بیس سیکنڈ تک اچھی طرح دھو لو۔ بند کمروں کے بجائے کھلی فضا میں لوگوں سے ملنے کو ترجیح دو۔ اپنے ساتھ ہینڈ سینیٹائزر ہمیشہ ساتھ رکھو۔ اگر بہت ضروری نہ ہو تو گھر سے باہر نہ نکلو۔ اگر ضروری اشیا خریدنی ہیں تو پورے خاندان کو ساتھ نہ لے جاؤ۔ کوشش کرو کہ چیزیں کم استعمال کرو، اگر استطاعت ہو تو ایک وقت چیزیں خرید لو تاکہ بار بار باہر نہ جانا پڑے۔ اگر سبزی پھل خریدنے ہیں تو کھلی جگہ والے ٹھیلے/دوکان کو ترجیح دیں۔ اگر دوکان پر جانا ہے تو ایسی دوکان پر جاؤ جہاں رش نہ ہو۔ اگر مال میں جانا ضروری ہے تو ایسے وقت جائیں جب رش کم ہو۔ مثال کے طور پر ہفتے، اتوار کے بجائے دوسرے دنوں پر جاؤ۔ ایسے وقت جاؤ جب کم لوگ ہوتے ہیں۔

اگر آپ کسی لائن میں کھڑے ہیں تو اپنے سامنے کھڑے شخص سے کم از کم چھ فٹ دور کھڑے ہوں۔ اگر آپ کے پیچھے کوئی شخص آپ کے سر پر کھڑا ہوجائے تو ان سے کہیں کہ وہ آپ سے کم از کم چھ فٹ دور کھڑے ہوں۔ اگر وہ آپ کی بات نہیں سنتے تو لائن کی انتظامیہ/کاؤنٹر پر موجود شخص سے شکایت کرو۔ اگر پھر بھی مسئلہ حل نہ ہو تو لائن سے نکل جاؤ۔ یہ لائن آپ کی زندگی سے زیادہ قیمتی نہیں ہے۔ زندگی کی قدر کریں اور یہ بھی سوچیں کہ آپ کے جانے سے آپ کے خاندان، دوستوں اور پیاروں کو کتنا نقصان اور دکھ ہوگا۔

کوشش کرو کہ گھر سے کام کرو۔ کوشش کرو کہ فون اور وڈیو کانفرنسنگ اور ڈیجیٹل ذرائع استعمال کرو۔ رشتہ داروں اور دوستوں سے رابطہ رکھیں لیکن فون اور وڈیو کے ذریعے۔ دعوتیں، پارٹیاں آن لائن کرو۔ نہ کسی کو دعوت دو اور نہ دعوتوں پر جاؤ۔ آج کل کے حالات میں اپنی خوراک پر توجہ دو۔ اگر آپ دوائیاں لیتے ہیں تو باقاعدگی سے لو اور کوئی بے احتیاطی نہ کرو۔

یاد رکھو کہ ہسپتال بھرے ہوئے ہیں۔ صحتمند رہو تاکہ ڈاکٹروں سے دور رہو۔ نہیں معلوم کہ سردرد کیلیے گئے اور کرونا لے آئے۔ آپ کی زندگی آپ کے ہاتھوں میں ہے۔ اپنا تحفظ خود کرو۔ آپ کے علاوہ کسی کو بھی آپ کی زندگی بچانے کی فکر نہیں ہے۔ اپنی ذات سے محبت کرو اور عزت کرو، کیونکہ زندگی اللہ کا انمول تحفہ ہے۔

Tags:

Leave a Comment

Your email address will not be published. Required fields are marked *