Type to search

Coronavirus خبریں صحت طب

ماسک کے استعمال پر عالمی ادارہ صحت کا نیا موقف: ‘صحتمند یا بیمار، سب ماسک لازمی پہنیں’

عالمی ادارہ صحت نے کچھ عرصہ قبل یہ کہا تھا کہ اس حوالے سے ٹھوس شواہد موجود نہیں ہیں کہ صحت مند افراد چہرے پر ماسک پہننے سے کووڈ 19 سے بچ سکتے ہیں۔

لیکن اب ادارے نے اپنا موقف تبدیل کر لیا ہے اور کہا ہے کہ کرونا کا پھیلاؤ روکنے کے لیے لوگوں کو عوامی مقامات پر ماسک پہننے چاہیے۔ WHO کا کہنا تھا کہ نئی معلومات سے یہ علم ہوا ہے کہ ماسک جراثیم کے ممکنہ ذروں سے لوگوں کو بچا سکتا ہے۔

پاکستان سمیت دنیا کے بعض ممالک میں عوامی مقامات پر ماسک پہننا لازم قرار دیا گیا ہے۔ کچھ ممالک میں صرف اس کی ہدایت دی گئی ہے۔ عالمی ادارہ صحت سے منسلک ایک ڈاکٹر نے  روئٹرز سے بات کرتے ہوئے بتایا کہ ہماری نصیحت یہ ہے کہ ایسے مقامات جہاں وائرس کی منتقلی کا زیادہ خطرہ ہو وہاں ’طبی ماسک‘ کی جگہ ’کپڑے کا ماسک‘ پہنیں۔

ڈبلیو ایچ او کا ہمیشہ سے موقف رہا ہے کہ طبی ماسک یا این 95 ماسک صرف وہ لوگ پہنیں جو کرونا سے متاثر ہوچکے ہیں تاکہ یہ دوسروں میں منتقل نہ ہوسکے۔

تاہم عالمی ادارہ صحت کے سربراہ ڈاکٹر ٹیڈروس ایڈہانوم نے کہا ہے کہ ’صرف ماسک آپ کو کرونا سے نہیں بچا سکتا۔‘

Tags:

You Might also Like

Leave a Comment

Your email address will not be published. Required fields are marked *