Type to search

Coronavirus خبریں صحت قومی

کرونا وائرس سے جاں بحق افراد کی تدفین کے ایس او پیز میں نرمی، ورثا کو غسل، جنازے اور تدفین میں شامل ہونے کی اجازت ہوگی

پنجاب حکومت نے کرونا وائرس سے جاں بحق افراد کی تدفین کے ایس او پیز میں نرمی کردی۔

وزیراعلیٰ پنجاب عثمان بزدار کی زیرصدارت انسداد کرونا کابینہ کمیٹی کا اجلاس ہوا، جس میں کرونا وائرس سے جاں بحق افراد کی تدفین کے ایس او پیز پر نظرثانی کی منظوری دی گئی۔

ایس او پیز میں نرمی کے تحت ورثا غسل، جنازے اور تدفین میں شامل ہوں سکیں گے جب کہ ورثا میت کا منہ بھی دیکھ سکیں گے، البتہ میت کو چھو نے یا چومنے کی اجازت نہیں ہو گی۔

اس کے علاوہ تابوت کی شرط ختم کر دی گئی ہے مگر میت کو پلاسٹک میں لپیٹا جائے گا۔

علاوہ ازیں وزیراعلیٰ نے ایکٹمیرا انجیکشن اور دیگر ضروری ادویات ذخیرہ کرنے والوں کے خلاف کریک ڈاؤن جاری رکھنے کا حکم بھی دیا ہے۔

عثمان بزدار کا کہنا تھا کہ عیدالاضحی پر شہری حدود میں بکرا منڈیاں نہیں لگیں گی، لاہور کے بعض علاقوں کو سیل کرنے کیلئے حتمی پلان بھی پیش کیا جائے۔

وزیراعلیٰ نے مزید کہا کہ پنجاب میں روزانہ کی بنیاد پر کرونا ٹیسٹوں کی استعداد 12 ہزار ہو گئی ہے حالانکہ تین روز میں تصدیق شدہ مریضوں کی تعداد میں کمی آئی ہے۔

Tags:

You Might also Like

Leave a Comment

Your email address will not be published. Required fields are marked *