Type to search

احتجاج خبریں سیاست قومی مذہب

اسلام آباد میں مندر کی تعمیر: ’’پرویز الہیٰ اور ان جیسی سوچ رکھنے والوں کو میثاق مدینہ کا مطالعہ ضرور کرنا چاہیے‘‘

وفاقی وزیر سائنس و ٹیکنالوجی فواد چوہدری نے مسلم لیگ ق کے رہنما اور سپیکر پنجاب اسمبلی چوہدری پرویز الہٰی کے اسلام آباد میں مندر سے متعلق بیان پر شدید تنقید کی ہے۔

خیال رہے کہ اسلام آباد کے سیکٹر ایچ نائن میں گذشتہ دنوں مندر کی تعمیر کا سنگ بنیاد رکھا گیا ہے جس کی زمین گذشتہ دور حکومت میں الاٹ کی گئی تھی۔ اس حوالے سے چوہدری پرویز الہٰی نے ایک ویڈیو بیان میں مندر کی تعمیر پر تنقید کرتے ہوئے کہا ہے کہ اسلام آباد میں مندر کی تعمیر ریاست مدینہ کی توہین اور اسلام کی روح کے خلاف ہے۔

چوہدری پرویز الہٰی کا کہنا تھا کہ ہم اقلیتوں کےحقوق کے ساتھ ہیں، پہلے سے موجود مندروں کی مرمت کی جائے۔

جیو نیوز سے حاصل معلومات کے مطابق سپیکر پنجاب اسمبلی کے بیان پر ردعمل دیتے ہوئے فواد چوہدری کا کہنا ہے کہ انہیں چوہدری پرویز الہٰی کی اس ‘قدامت پسند’ سوچ پر سخت حیرت ہوئی ہے۔

فواد چوہدری نے طنز کرتے ہوئے کہا کہ خدا کا شکر ہے کہ امریکی اور یورپی رہنما مودی اور پرویز الہیٰ جیسوں کی طرح نہیں سوچتے اور مسلمانوں کو مسجدوں کی تعمیر اور عبادت کی اجازت دیتے ہیں۔

ان کا کہنا تھا کہ پرویز الہٰی اور ان جیسی سوچ رکھنے والوں کو میثاق مدینہ کا مطالعہ ضرور کرنا چاہیے۔ برداشت اسلام کا بنیادی اصول ہے۔

Tags:

You Might also Like

Leave a Comment

Your email address will not be published. Required fields are marked *