Type to search

انصاف خبریں

قاضی فائز عیسٰی کیس میں ججز پر تبصرے: سینئر صحافی مطیع اللہ جان کے خلاف توہین عدالت کی درخواست دائر

ملک کے سینئر صحافی مطیع اللہ جان کے خلاف توہین عدالت کی درخواست جمع کرائی گئی ہے۔ اسلام آباد ہائی کورٹ میں جمع کرائی جانے والی اس درخواست میں کہاگیا ہے کہ مطیع اللہ جان نے جسٹس فائز عیسیٰ کیس میں اپنی ٹویٹس کے ذریعئے اعلیٰ عدلیہ کی توہین کی ہے اور اسکے ججز کی توہین کرتے ہوئے انکی غیر جانبداری پر سوال اٹھایا۔

پٹیشن میں  پیمرا کو بھی فریق بنایا گیا ہے اور کہا گیا ہے کہ پیمرا کو پابند کیا جائے کہ وہ مطیع اللہ جان کی کسی بھی ٹیلی ویژن شو میں شرکت پر پابندی عائد کرے۔ ساتھ ہی ساتھ عدالت سے استدعا کی گئی ہے کہ وہ مطیع اللہ جان سے انکی ٹویٹس فوری طور پر ڈیلیٹ کروا کر انہیں حکم دے کہ وہ قوم سے غیر مشروط معافی مانگیں۔ 

درخواست میں استدعا کی گئی ہے کہ صحافی کے خلاف آئین کی شق 204 اور توہین عدالت آرڈیننس 2003 کی dfeat 03، 04،05 کے تحت کارروائی کی جائے. درخواست وکیل عدنان اقبال کی جانب سے دائر کی گئی ہے۔

Tags:

You Might also Like

Leave a Comment

Your email address will not be published. Required fields are marked *