Type to search

انصاف خبریں قومی میڈیا

سپریم کورٹ کا سینئر صحافی مطیع اللہ جان کے ٹویٹس پر از خود نوٹس، سماعت ایک ہفتے کے لیے ملتوی

سپریم کورٹ نے صحافی مطیع اللہ جان کے خلاف توہین عدالت کے از خود نوٹس کی سماعت ایک ہفتے کیلئے ملتوی کرتے ہوئے اٹارنی جنرل اور سپریم کورٹ بار ایسوسی ایشن کو نوٹس جاری کر دیا ہے۔

تفصیلات کے مطابق سپریم کورٹ میں صحافی مطیع اللہ جان کے خلاف توہین عدالت کے از خود نوٹس کی سماعت چیف جسٹس گلزار احمد کی سربراہی میں تین رکنی بینچ نے کی، جس میں جسٹس مشیر عالم اور جسٹس اعجاز لاحسن شامل تھے۔

دوران سماعت عدالت نے ریمارکس دیتے ہوئے کہا کہ ٹویٹ میں بظاہرعدالت عظمیٰ کے ججز، عدالت کیخلاف توہین آمیز الفاظ استعمال کیے گئے۔

یاد رہے کہ پاکستان کی سپریم کورٹ نے صحافی مطیع اللہ جان کی جانب سے اعلی عدلیہ کے ججز کے حوالے سے ٹویٹ پر از خود نوٹس لیتے ہوئے توہین عدالت کا نوٹس جاری کیا تھا۔ جسٹس قاضی فائز عیسی کے خلاف ریفرنس سے متعلق درخواستوں کے فیصلے کے بعد صحافی مطیع اللہ جان نے فیصلہ دینے والے ججز سے متعلق کچھ ٹویٹس کی تھیں۔

دوسری جانب صحافی برادری نے توہین عدالت کا نوٹس ملنے پر مطیع اللہ جان کے ساتھ اظہار یکجہتی کیا اور ان کے حق میں ٹویٹس بھی کیں۔

Tags:

You Might also Like

Leave a Comment

Your email address will not be published. Required fields are marked *