Type to search

انصاف بڑی خبر خبریں

مبینہ طور پر استانی کی طالبہ سے شادی: جج نے دونوں کے ماسک اتروائے، نیا حکم جاری کردیا

  • 3
  •  
  •  
  •  
  •  
  •  
  •  
  •  
  •  
    3
    Shares

راولپنڈی کے نجی سکول میں پڑھانے والی نجی سکول کی استانی اور اسی سکول کی طالبہ کی مبینہ شادی کے معاملے نے ملکی میڈیا میں سرخیاں بنائی ہیں۔
تاہم کیس کی لاہور ہائیکورٹ پنڈی برانچ میں سماعت ہوئی ہے۔ جس کے دوران جوڑا عدالت میں پیش ہوا۔ جوڑے کی جانب سے یہ موقف اختیار کیا گیا کہ جسے مبینہ طور پر استانی عاصمہ بی بی کہا جا رہا ہے۔ وہ اپنی جنس تبدیل کر کے مرد بن چکا ہے اور اسکا نام علی آکاش ہے۔ اور یہ شادی دو بالغ العمر لوگوں کے درمیان ایک شرعی اور قانونی شادی ہے۔

اس موقع پر سماعت کرنے والے جج جسٹس صداقت علی نے سماعت کے آغاز پر ہی دونوں کو اپنے اپنے ماسک اتارنے کو کہا۔ ساتھ ہی انہوں نے جوڑے کو بتایا کہ ان پر ہم جنس شادی کا الزام ہے جو کہ ایک سنگین الزام ہے۔

آکاش جسے عاصمہ بی بی کے نام سے بھی جانا جاتا ہے اس کے مطابق وہ مرد ہے اور اس حوالے سے اسکا نیا شناختی کارڈ اور دیگر دستاویزات بھی عدالت میں پیش کئے گئے۔

عدالت نے راولپنڈی ڈسٹرکٹ ہسپتال کے ایم ایس کو علی آکاش کا جنس ٹیسٹ کرانے کا حکم دے کر سماعت 21 جولائی تک ملتوی کردی۔

Tags:

Leave a Comment

Your email address will not be published. Required fields are marked *