Type to search

خبریں سیاست قومی میڈیا

شاہ محمود اور اعظم خان ہاتھا پائی کی خبر نشر کرنے پر ابتک نیوز کو پیمرا کا نوٹس

پیمرا نے نجی ٹی وی چینل ابتک نیوز کو نوٹس جاری کرتے ہوئے 24 اگست کو پیش ہو کر شاہ محمود قریشی اور اعظم خان کے حوالے سے غلط خبر چلانے پر جواب جمع کروانے کا حکم دے دیا۔

واضح رہے کہ نجی ٹی وی چینل ابتک نے خبر دی تھی کہ وزیر خارجہ شاہ محمود قریشی اور اعظم خان کے درمیان شدید تلخ کلامی ہوئی جس کے بعد وزیر خارجہ نے ان کے منہ پر تھپڑ دے مارا۔

ابتک نیوز نے مزید بتایا تھا کہ اطلاعات کے مطابق ہاتھا پائی کے بعد شاہ محمود قریشی نے وزیر اعظم عمران خان کو ان کے دفتر میں جا کر اعظم خان سے متعلق شکایت بھی کی۔

تاہم، سینیئر صحافی طلعت حسین کے مطابق وزیر اعظم ہاؤس ذرائع کی جانب سے اس خبر کی تردید کی گئی۔ طلعت حسین کے مطابق وزیر اعظم ہاؤس کے علاوہ وزارتِ خارجہ میں موجود ذرائع نے بھی اس خبر کی تردید کی ہے۔

اب پیمرا نے غلط خبر چلانے پر ابتک نیوز کے خلاف ایکشن لیتے ہوئے نوٹس جاری کر دیا ہے اور غلط خبر چلانے پر جواب طلب کر لیا ہے۔

Tags:

Leave a Comment

Your email address will not be published. Required fields are marked *