Type to search

حکومت خبریں سیاست قومی

اپوزیشن نے ایف اے ٹی ایف قوانین کی منظوری کے بدلے لکھ کر این آر او مانگا، عمران خان کا دعویٰ

ایکسپریس نیوز سے حاصل معلومات کے مطابق وزیراعظم عمران خان نے حکومت اور پارٹی ترجمانوں کے اہم اجلاس سے خطاب کرتے ہوئے دعویٰ کیا ہے کہ اپوزیشن نے ایف اے ٹی ایف قوانین کی منظوری کے بدلے لکھ کر این آر او مانگا ہے۔

تفصیلات کے مطابق وزیراعظم عمران خان کی صدارت میں حکومت اور تحریک انصاف کے پارٹی ترجمانوں کا اہم اجلاس ہوا، جس میں کابینہ ارکان سمیت پی ٹی آئی کے اہم رہنماؤں نے بھی شرکت کی۔

وزیراعظم کے مشیر بابر اعوان نے فنانشل ایکشن ٹاسک فورس سے متعلق قوانین پر اپوزیشن سے مذاکرات سے متعلق بریفنگ دی۔

اس موقع پر وزیراعظم عمران خان کا کہنا تھا کہ حکومت ایف اے ٹی ایف کے قوانین کو قومی فریضہ سمجھتی ہے لیکن اپوزیشن نے ان قوانین کی منظوری کی آڑ میں حکومت سے لکھ کر این آر او مانگا ہے۔ قوم نے جن کو مسترد کیا ہے وہ اپنی چوری چھپانے کی کوشش میں لگے ہوئے ہیں۔

وزیراعظم کا مزید کہنا تھا کہ ہماری حکومت نے دو سال تک کڑے وقت، مشکلات اور چیلنجز کا سامنا کیا ہے اور حالات پر قابو پانے میں کامیاب ہوگئے ہیں جس کے بعد اب حکومت کی پوری توجہ معیشت کی بحالی پر ہے۔

اس اہم اجلاس میں ملک کی تازہ سیاسی اور معاشی صورت حال پر بھی تبادلہ خیال کیا گیا اور اس حوالے سے حکومتی بیانیے پر مشاورت بھی کی گئی علاوہ ازیں مشیر برائے پارلیمانی امور بابر اعوان نے وزیراعظم کو ایف اے ٹی ایف قوانین سے متعلق پیش رفت سے بھی آگاہ کیا۔

Tags:

You Might also Like

Leave a Comment

Your email address will not be published. Required fields are marked *