Type to search

حکومت خبریں سیاست قومی

عمران خان کا اپنے قریبی دوست زلفی بخاری کو ایک اور اہم عہدہ دینے کا فیصلہ

وفاقی حکومت نے وزیراعظم عمران خان کے معاون خصوصی برائے اوورسیز پاکستانیز زلفی بخاری کو پاکستان ٹورازم ڈیویلپمنٹ کارپوریشن (پی ٹی ڈی سی) بورڈ کا چیئرمین بنانے کا فیصلہ کیا ہے۔

جیو نیوز سے حاصل معلومات کے مطابق کابینہ ڈویژن نے زلفی بخاری کی تقرری کے لیے سمری تیاری کر لی ہے اور ان کی بطور چیئرمین پی ٹی ڈی سی بورڈ تقرری کی سمری وفاقی کابینہ میں پیش ہوگی۔

ذرائع کا کہنا ہے کہ پی ٹی ڈی سی بورڈ کے 3 ممبران کی تعیناتی کے لیے 6 ناموں کا پینل تجویز کیا ہے جب کہ ایم ڈی پی ٹی ڈی سی کانام بطور سیکرٹری بورڈ تجویز کیا گیا ہے۔

ذرائع کے مطابق جاوید جبار، کامران لاشاری اور سلمان صدیق بطور ممبر بورڈ سبکدوش ہوچکے ہیں۔

خیال رہے کہ زلفی بخاری اس وقت وزیراعظم عمران خان کے معاون خصوصی برائے سمندر پار پاکستانیز اور ہیومن ریسورس ڈیویلپمنٹ کے عہدے پر تعینات ہیں اور ان کا درجہ وزیر مملکت کے برابر ہے۔

Tags:

You Might also Like

Leave a Comment

Your email address will not be published. Required fields are marked *