Type to search

خبریں میڈیا

عنبر شمسی کا پروگرام سوال ود عنبر ختم: پوری ٹیم سما ٹی وی سے مستعفی

معروف صحافی عنبر رحیم شمسی نے ایک ٹویٹ کرتے ہوئے اعلان کیا ہے کہ سما ٹی وی سے انہوں نے اور ان کی ٹیم نے استعفا دے دیا ہے۔ عنبر شمسی سما ٹی وی پر پروگرام سوال ود عنبر کی میزبان تھیں۔ انہوں نے تقریباً ایک سال نو ماہ یہ پروگرام کیا تھا۔

پروگرام کے پروڈیوسر اسد علی طور نے لکھا ہے کہ یہ اعلان کیا جاتا ہے کہ سوال ود عنبر کا آخری پروگرام  4 اکتوبر کو ہوگا۔ انہوں نے اس بات کی تصدیق کی کہ انکی ٹیم نے چینل سے استعفا دیا ہے۔

عنبر شمسی کو مسلسل سوشل میڈیا پر نازیبا کمنٹس اور ٹرولنگ کا سامنا رہتا تھا۔ جس حوالے سے خواتین اینکرز نے ایک پٹیشن بھی سائن کی تھی جس میں حکومتی سربراہی میں ہونے والی ٹرولنگ کے خلاف آواز بلند کی گئی تھی اور اس گروپ میں عنبر شمسی بھی شامل تھیں۔

پروگرام کے پروڈیوسر اسد علی طور کورٹ رپورٹنگ کے حوالے سے معروف ہیں اور جسٹس فائز عیسیٰ کیس کے دوران نیا دور پر شائع ہونے والی  انکی رپورٹس نے بڑے پیمانے پر پذیرائی حاصل کی۔

پروگرام کے حوالے سما ٹی وی کے اعلیٰ سطحی ذرائع کا کہنا ہے کہ پروگرام پر انتظامیہ کی جانب سے دباؤ تھا اور اس بابت بھی غور کیا جا رپا تھا کہ اس کو ختم کر دیا جائے۔ اس سے قبل کہ چینل پروگرام ختم کرتا پروگرام کی ٹیم مستعفی ہو گئی۔

Tags:

Leave a Comment

Your email address will not be published. Required fields are marked *