Type to search

Coronavirus خبریں

کرونا وائرس: پیپلز پارٹی کے سینئر رہنما راشد ربانی انتقال کرگئے

اہل خانہ نے تصدیق کی ہے کہ  راشد ربانی کئی دنوں سے نجی اسپتال میں وینٹی لیٹر پر تھے اور آج ان کا انتقال ہوگیا۔

خیال رہے کہ 6 مئی کو وزیراعلیٰ سندھ مراد علی شاہ کے معاون خصوصی برائے سیاسی امور راشد ربانی کرونا وائرس کا شکار ہوگئے تھے۔

گزشتہ دنوں کرونا میں مبتلا پیپلز پارٹی کے سینیئر رہنما اور وزیراعلیٰ سندھ کے معاون خصوصی راشد ربانی شدید علیل ہوگئے تھے۔پیپلزپارٹی کے رہنما وقار مہدی نے بتایا تھا کہ راشد ربانی کرونا وائرس سے متاثرہ ہیں جس کے باعث ان کے پھیپھڑے متاثر ہوئے ہیں اور انہیں سانس لینے میں شدید تکلیف ہے۔

وزیراعلیٰ سندھ مراد علی شاہ نے سینیئر پی پی رہنما راشد ربانی کے انتقال پر گہرے دکھ کا اظہار کیا ہے اور کہا ہے کہ راشد ربانی کا شمار محترمہ بینظیر بھٹو کے قریبی ساتھیوں میں ہوتا تھا، مرحوم کی جمہوریت کیلئے خدمات ہمیشہ یاد رکھی جائیں گی۔

Leave a Comment

Your email address will not be published. Required fields are marked *