Type to search

بڑی خبر خبریں

وینا ملک کے سابق شوہر کا بچے حوالگی کیس کے حوالے سے الزام: وینا ملک نے تین ملکوں کی ساکھ داؤ پر لگا دی’

پاکستانی اداکارہ وینا ملک کے سابق شوہر اسد خٹک نے الزام عائد کیا ہے کہ دبئی کی ہائی کورٹ کے احکامات کے تحت انکے بچوں کا نام ای سی ایل پر ہونے کے باجود وینا ملک انکے بچے دبئی سے لے کر رفو چکر ہو چکی ہیں۔

انہوں نے  تین ویڈیوز کے تھریڈ میں وینا ملک کا اصلی نام زاہدہ ملک لیتے ہوئے کہا کہ انہوں نے انکی زندگی عذاب بنا دی ہے اور ان سے شادی انکی زندگی کی ایک بہت بڑی غلطی تھی۔ انہوں نے کہا کہ میں دوستوں، خاندان اور مذہبی شخصیات کے کہنے پر صبر کرتا رہا لیکن اب بات انکے بچوں کی ہے اور وہ چپ نہیں رہیں گے اور اپنی سابقہ اہلیہ کو بےنقاب کریں گے۔

انہوں نے کہا کہ دبئی کی ہائیکورٹ میں انہوں نے بچوں کی حوالگی کا کیس کر رکھا تھا جس کا فیصلہ انکے حق میں آیا اور انکے بچوں کا نام ای سی ایل پر تھا۔ انکے بچوں کو عدالت اور انکے باپ یعنی اسد خٹک کی اجازت کے بغیر دبئی سے باہر نہیں لے جایا سکتا تھا۔ لیکن بد قسمتی سے وہ بچے غائب ہیں۔ انہوں نے پاکستانی حکام سے سوال کیا کہ وینا ملک کو کس نے پاسپورٹ جاری کیا؟ انہوں نے کہا کہ اس معاملے نے تین ملکوں کی ساکھ کا داو پر لگا دیا ہے۔

انہوں نے امریکی مشن سے معاملے کی تحقیقات کرنے کی اپیل کی اور کہا کہ انہیں صرف انصاف چاہیئے۔ یاد رہے کہ انکے بچے اور وہ امریکی شہری ہیں۔ انہوں نے پاکستانیوں سے بھی ساتھ دینے کی اپیل کی۔

Leave a Comment

Your email address will not be published. Required fields are marked *