Type to search

انسانی حقوق تجزیہ تعلیم

تعلیم سب کے لیئے کے خواب کی تعبیر: طلبا کو کرونا کے دوران بلا تفریق آن لائن سہولیات دینی ہوں گی

قطار میں کھڑا یہ بچہ ہاتھ میں سکول بیگ کی جگہ مومی شاپر میں کتابیں ڈالے بھرپور جوش کے ساتھ بغیر کسی ہچکچاہٹ کے کھڑا تھا۔  مجھے اس سرکاری سکول میں طلبا کی کثیر تعداد میں حاضری نے خوشگوار حیرت میں ڈال دیا۔ جب کے میں اس سے کچھ دیر پہلے ایک بڑے نجی سکول میں گیا جہاں SOPs کا انتظام تو تھا لیکن بچوں کی قلیل حاضری کرونا کا خوف ظاہر کر رہی تھی ۔ یہ تصویر 30 ستمبر کی ہے جب سکول جو مارچ کے وسط سے بند پڑے تھے دوبارہ کھول دیے گئے ۔
اسی سکول کے پرنسپل اجمل صاحب نے بتایا کے نہ پہلے لاک ڈاون میں کوئی آن لائن کلاس کا بندوبست کیا گیا نہ ہی اب جب دوسرا لاک ڈاؤن جو 26 نومبر سے شروع ہے۔ نجی تعلیمی ادارے پہلے لاک ڈاون کی طرح دوسرے میں بھی آن لائن کلاس کا عمل احسن انداز میں انجام دے رہے ہیں ۔ جبکہ سرکاری سکول  نے صرف عارضی طور پر نوویں اور دسویں جماعت کے لیے ایک وٹس ایپ گروپ بنا دیا ہے جس میں طلبا اساتذہ سے مشکل میں رابطہ کر سکتے ہیں ۔
تاجروں نے تو پہلے لاک ڈاؤن میں چار دن ہی صبر کیا پھر اپنی من مانی کی چاہے کھلم کھلا یا چھپ کے۔ کیا کریں معیشت بھی چلانی تھی  ۔ لیکن اگر مقتدر حلقے یہ سمجھ جائیں کے علم وہ طاقت ہے جس کو زوال نہیں بشرطیکہ سب کو برابر میسر آئے ۔ اور سرکاری سکول کے غریب پر علم کے طالب بچوں کے لیئے کوئی جامع، مضبوط، حقیقی منصوبہ مرتب کیا جائے تاکہ ان تک آن لائن کلاس کی رسائی ممکن ہو سکے۔
Tags:

You Might also Like

Leave a Comment

Your email address will not be published. Required fields are marked *