Type to search

جرم خبریں

موٹر وے گینگ ریپ: ملزمان کے جوڈیشل ریمانڈ میں توسیع کر دی گئی

لاہور کی انسداد دہشت گری عدالت  کے جج ارشد حسین بھٹہ نے موٹروے گینگ ریپ کیس کی سماعت کی جہاں دونوں ملزمان کو جوڈیشل ریمانڈ مکمل ہونے پر پیش کیا گیا۔

دونوں ملزمان عابد ملہی اور شفقت بگا کو سخت سیکیورٹی میں عدالت میں پیش کیا گیا۔

انسداددہشت گردی عدالت نے دونوں ملزمان کے جوڈیشل ریمانڈ میں 4 جنوری تک توسیع کردی اور تفتیشی افسر کو آئندہ سماعت پر چالان عدالت میں پیش کرنے کا حکم دے دیا۔

عدالت نے گزشتہ سماعت میں ملزمان کے ریمانڈ میں 10 روز کے لیے توسیع کی تھی۔

تفتیشی افسر ذوالفقار چیمہ نے عدالت کو یکم دسمبر کو ہونے والی سماعت میں بتایا تھا کہ ملزم عابد ملہی کا پولی گرافک ٹیسٹ کر لیا گیا ہے اور ایک مرتبہ پھر ڈی این اے ٹیسٹ بھی کیا گیا اور بیانات بھی قلم بند کیے جا چکے ہیں۔

انہوں نے کہ ملزمان کے مزید 14 روزہ جوڈیشل ریمانڈ کی استدعا کرتے ہوئے کہا تھا کہ ملزمان کا چالان داخل کرنے تک مزید ریمانڈ درکار ہے، تاہم عدالت نے ریمانڈ میں 10 روز تک توسیع کی منظوری دے دی تھی۔

Tags:

You Might also Like

Leave a Comment

Your email address will not be published. Required fields are marked *