Type to search

جرم حکومت خبریں

پولیس کے ہاتھوں اسامہ ستی کا قتل: آئی جی اسلام آباد تبدیل

اسامہ  ستی کے قتل کے بعد  ہونے والی مسلسل تنقید آئی جی اسلام آباد کی تبدیلی پر منتج ہوئی ہے جس کا نوٹی فیکیشن جاری کردیا گیا ہے۔

قاضی جمیل الرحمان آئی جی اسلام آباد تعینات کردئیے گئے ہیں۔قاضی جمیل الرحمان خیبرپختون خوا پولیس میں تعینات تھے اور انھیں فوری طور پر اسلام آباد طلب کرلیا گیا ہے۔

نوٹی فیکیشن میں بتایا گیا ہے کہ قاضی جمیل الرحمان گریڈ 20 کے افسر ہیں اور ان کی تعیناتی غیرمعینہ مدت کے لیے کی گئی ہے۔اسلام آباد میں  اسامہ ستی کا پولیس کے ہاتھوں قتل کے بعد شدید تنقید کی جارہی تھی۔

آج اسامہ قتل کیس کی سماعت  کے دوران عدالت نے تفتیشی افسر سے مکالمہ کیا کہ اصل تصویر نہیں بنائی اس کا مطلب کہ تم ملزمان سے ملے ہوئے ہو؟

عدالت نے ملزمان کو روسٹرم پر طلب کیا اور پوچھا کہ بتائیں کہ یہ واقعہ کیسے پیش آیا؟ اس پر ایک ملزم نے بیان دیتے ہوئے  کہا کہ اےایس آئی سلیم شمس کالونی نے کال چلائی کہ ڈکیتی ہوئی ہے، کہا گیا سری نگر ہائی وے پر آجائیں، سفید کلر کی ایک گاڑی ہے،کہا گیا گاڑی میں 4 لوگ سوار ہیں، ہر صورت گاڑی کو روکنا ہے۔ پولیس اہلکاروں نے اعتراف کیا کہ ان سے  فائر کرنے میں غلطی ہوئی۔

 

Tags:

You Might also Like

Leave a Comment

Your email address will not be published. Required fields are marked *