Type to search

احتجاج تعلیم خبریں

یو سی پی کے باہر طلبہ احتجاج پر پولیس اور انتظامیہ کا تشدد: 1 طالب ہلاک،1 آئی سی یو میں،کئی طلبہ شدید زخمی

لاہور میں یونیورسٹی آف سنٹرل پنجاب کے گیٹ کے باہر طلبہ احتجاج کر رہے تھے کہ یونیورسٹی کے گارڈز اور پولیس نے لاٹھیوں کے ساتھ طلبہ پر چڑھائی کر دی اور ان پر تشدد شروع کر دیا جس سے کئی طلبہ شدید زخمی ہوئے۔ طلبہ کو شدید زخمی حالت میں جناح ہسپتال پہنچایا گیا۔

آن لائن امتحانات کا مطالبہ کرنے والے لاہور کی نجی یونیورسٹی یو سی پی کے طلبہ اور گارڈز میں تصادم کے دوران متعدد افراد زخمی ہوگئے جبکہ احتجاج جاری ہے۔

جوہر ٹاؤن کے خیابان جناح روڈ پر واقع یونیورسٹی کے باہر آن لائن امتحانات کے مطالبے کیلئے صبح سے ہی طلبہ موجود تھے۔ پولیس کے مطابق 300 سے ساڑھے تین سو طلبا اس احتجاج میں شریک ہوئے۔

بول نیوز کے مطابق 1 طالب شاہجہاں کے سر پر گہری چوٹ آئی اور وہ جاں بحق ہوگیا جبکہ طلبہ کو لیڈ کرنے والے طالب علم محمد زبیر انتہائی تشویشناک حالت میں جناح ہسپتال کے آئی سی یو میں زیر علاج ہیں۔

یونیورسٹی گیٹ کے باہر طلبہ کی بڑی تعداد اب بھی موجود ہے اور یونیورسٹی انتظامیہ اور پولیس کے خلاف نعرے بازی جاری ہے۔

Tags:

You Might also Like

Leave a Comment

Your email address will not be published. Required fields are marked *