Type to search

خبریں سیاست

چوہدری برادران کی وزیر اعظم سے ملاقات: وزیر اعظم نے کامل علی آغا کو سینیٹ امیدوار نامزد کردیا

وزیراعظم عمران خان سے اسپیکر پنجاب اسمبلی چوہدری پرویز الٰہی کی سربراہی میں پاکستان مسلم لیگ ق کے وفد نے ملاقات کی۔

ملاقات میں ق لیگ کی جانب سے وفاقی وزیر طارق بشیر چیمہ اور مونس الٰہی جبکہ حکومت کی جانب سے شاہ محمود قریشی، پرویزخٹک اور شفقت محمود شریک تھے۔

ملاقات میں سینیٹ انتخابات کے حوالے سے بھی تبادلہ خیال کیا گیا۔ وزیراعظم عمران خان نے سینیٹ انتخابات میں مسلم لیگ (ق) کے کامل علی آغا کو  حکومتی امیدوار بنانے کی منظوری دے دی۔

پنجاب میں سینیٹ انتخابات سے متعلق حکمت عملی طے کرنے کیلئے کمیٹی تشکیل دے دی گئی جس میں اسپیکر پنجاب اسمبلی چوہدری پرویز الٰہی، وزیراعلیٰ عثمان بزدار اور گورنر پنجاب  چوہدری محمد سرور شامل ہیں۔

اسپیکر پنجاب اسمبلی نے وزیر اعظم کو پنجاب اسمبلی کی نئی عمارت کے افتتاح کی دعوت دی جو کہ انہوں نے قبول کر لی۔

وزیراعظم عمران خان نے ق لیگ کی جانب سے سینیٹ الیکشن میں اتحادی امیدوار کامل علی آغا کے نام کی منظوری دے دی۔

وزیراعظم نے یقین دہانی کرائی کہ سینٹ کے حوالے سے اتحادیوں کی مشاورت سے آگے چلیں گے.

Tags:

You Might also Like

Leave a Comment

Your email address will not be published. Required fields are marked *