Type to search

حکومت خبریں سیاست

پیسے دیکر ٹکٹ خریدنے والوں کو ووٹ نہیں دوں گا: پی ٹی آئی رکن اسمبلی کریم بخش گبول کا اعلان

پاکستان تحریک انصاف کے سندھ اسمبلی کے رکن کریم بخش گبول نے اعلان کیا ہے کہ وہ سینیٹ انتخابات میں پیسے دیکر  ٹکٹ خریدنے والوں کو ووٹ نہیں دیں گے۔

ایک ویڈیو بیان میں کریم بخش گبول کا کہنا تھاکہ انکا تعلق پاکستان تحریک انصاف سے ہے اور ہمیشہ رہے گا۔

انہوں نے مزید کہا کہ سندھ میں ناانصافیاں ہوئی ہیں اور سوتیلی ماں کا سلوک کیا گیا، ہماری حکومت ڈھائی سال میں عوام کیلئے کچھ نا کرسکی اور ہم عوام کو ڈیلیور نہیں کرسکے۔

رکن سندھ اسمبلی کریم بخش کا مزید کہنا تھاکہ سینیٹ الیکشن میں ایسے لوگوں کو ٹکٹ دیا گیا جنہوں نے پیسے دیکر ٹکٹ خریدا۔ میں ایسے لوگوں کو کبھی بھی ووٹ نہیں دوں گا جو پیسے کی بنیاد پر ٹکٹ حاصل کریں۔

ان کا مزید کہنا تھاکہ میں ان لوگوں سے مطمئن نہیں ہوں اور آئین نے مجھے حق دیا ہے جو ٹکٹ خرید کر آتے ہیں انہیں ووٹ نہ دوں اور میں جن سے مطمئن ہوں گا صرف انہیں ہی ووٹ دوں گا۔

خیال رہے کہ کریم بخش گبول سندھ اسمبلی کے حلقہ پی ایس 100 کراچی شرقی 2 سے تحریک انصاف کے ٹکٹ پر رکن اسمبلی منتخب ہوئے ہیں۔

Tags:

You Might also Like

Leave a Comment

Your email address will not be published. Required fields are marked *