Type to search

حکومت خبریں سیاست

وزیراعظم نے صادق سنجرانی کو چیئرمین سینیٹ کا امیدوار نامزد کر دیا

وزیراعظم عمران خان نے ایک بار پھر صادق سنجرانی کو چیئرمین سینیٹ کا امیدوار نامزد کر دیا۔

وزیراعظم عمران خان کی زیر صدارت پارٹی رہنماؤں کا خصوصی اجلاس ہوا جس میں چیئرمین سینیٹ صادق سنجرانی نے بھی شرکت کی۔

وزیراعظم نے اجلاس سے خطاب کرتے ہوئے کہا کہ صادق سنجرانی بطور چیئرمین سینیٹ ہمارے امیدوار ہوں گے۔ عمران خان کا کہنا تھا پہلے ہی معلوم تھا کہ سینیٹ انتخابات میں پیسہ چلے گا، ہم نے کوشش کی اس بار پیسہ نا چلے۔

انہوں نے مزید کہا کہ اعتماد کا ووٹ لینے کا فیصلہ اس لیے کیا تاکہ سب بے نقاب ہوں، جس کو مجھ پر اعتماد نہیں کھلم کھلا بتائے۔

وزیراعظم عمران خان کا کہنا تھا کہ اقتدار کی ہوس نہیں، ہمیشہ اقدار کی سیاست کی ہے۔

خیال رہے کہ نو منتخب سینیٹرز 12 مارچ کو حلف اٹھائیں گے اور اسی روز چیئرمین اور ڈپٹی چیئرمین سینیٹ کا چناؤ بھی ہو گا۔

Tags:

You Might also Like

Leave a Comment

Your email address will not be published. Required fields are marked *