Type to search

انسانی حقوق خبریں خواتین عورت مارچ مذہب معاشرت

عورت مارچ مخالف پروپیگنڈا، ’آزادی‘ کے نعروں کے جعلی سب ٹائٹلز کی ویڈیو وائرل، عورت مارچ نے اصل ویڈیو جاری کردی

عورت مارچ کے بعد اس کے خلاف پروپیگنڈا کرنے والوں کی جانب سے ایک اور مبینہ ویڈیو سامنے آئی ہے جس میں جھوٹے سب ٹائیٹل شامل کر کے ’آزادی‘ کے نعروں کو مذہبی رنگ دینے کی کوشش کی جارہی ہے۔

اس مبینہ ویڈیو کو اس طرح سے ایڈٹ کیا گیا جس کے سب ٹائٹلز میں لکھا گیا کہ جیسے آزادی کے یہ نعرے اسلام مخالفت میں لگائے گئے۔ اس مبینہ جعلی ویڈیو کو سوشل میڈیا پر بارہا شئیر کیا جارہا ہے۔

تاہم عورت مارچ انتظامیہ نے اس ویڈیو کی سختی سے تردید کرتے ہوئے کہا ہے کہ اس ویڈیو کی غلط تشریح کی جارہی ہے اور اس ویڈیو میں لکھے گئے سب ٹائیٹلز بھی جھوٹ پر مبنی ہیں۔ بعد ازاں انہوں نے اصل سب ٹائٹلز کے ساتھ اس ویڈیو کو سوشل میڈیا پر شئیر کیا۔

ویڈیو کے مطابق آزادی کے نعرے لگانے والی خاتون کے نعروں جن میں ’ملا سے آزادی‘ کو سب ٹائٹل میں ’اللہ سے آزادی‘ سے زبردستی جوڑنے کی کوشش کی گئی۔ علاوہ ازیں جھوٹے سب ٹائٹلز میں ’اوریا‘ (مقبول جان) کے خلاف نعرے کو ’اولیا‘ کے ساتھ جوڑنے کی کوشش کی گئی۔ اس طرح پوری ویڈیو میں سے 25 سیکنڈ کا کلپ ایسے ہی ایڈٹ کیا گیا۔

عورت مارچ انتظامیہ کا کہنا تھا کہ افسوس کی بات ہے کہ عورت مارچ مخالف دشمنی میں مذہب اور مذہبی شخصیات کا استعمال کیا گیا اور جھوٹ بولا گیا۔ انہوں نے ایف آئی اے سے درخواست کی کہ اس ویڈیو کو بنانے اور شیئر کرنے والوں کے خلاف سختی سے کاروائی کرے۔

Tags:

Leave a Comment

Your email address will not be published. Required fields are marked *