Type to search

تعلیم خبریں

تعلیم اور دیگر شعبوں میں نمایاں کارکردگی دکھانے والے طلبا کی گورنر پنجاب چوہدری سرور سے ملاقات: اہم سماجی مسائل زیر بحث آئے

تعلیم اور دیگر مختلف شعبوں میں نمایاں کامیابیاں حاصل کرنے والے لاہور کے مختلف سکولوں سے بچوں کے ایک وفد نے گورنر پنجاب جناب چوہدری محمد سرور صاحب سے گورنر ہاؤس میں ملاقات کے دوران بچوں کے حقوق کے حوالے سے بات چیت کی۔مس عظمیٰ کاردار ایم پی اے اور چئیرپرسن جینڈر مین سٹریمنگ (ویمن ڈویلپمنٹ) سٹینڈنگ کمیٹی، صوبائی اسمبلی پنجاب نے بھی میٹنگ میں شرکت کی۔

وفد نے گورنر صاحب کو بچوں کو ذہنی و جسمانی صحت کے مسائل، تعلیم، چھوٹی عمر کی شادی اور فلاح و بہبود جیسے مسائل سے آگاہ کیا۔ نوال حیدر جس کا تعلق ٹی این ایس بیکن ہاؤس اسکول،لاہور سے ہے اس نے بچوں کے حقوق کے حوالے سے پریزینٹیشن دی اور اسی حوالے سے تمام بچوں کی جانب سے گورنر صاحب کو ایک درخواست پیش- وفد کے باقی ممبران میں لائبہ سلمان، ابرِ رحمت، سیرین یوسف، آیت اسمی، مہک گل، انم اظہر اور سمیر حیدر شامل تھے۔

گورنر صاحب نے وفد میں شامل بچوں کو ان کی بچوں کے حقوق کے حوالے کی جانے والی کوششوں میں اپنی پوری حمایت کا یقین دلایا اور اس بات کو سراہا کہ پنجاب کے بچے خود آگے آ رہے ہیں اور اپنے حقوق اور بہتری کے لئیے کوشش کر رہے ہیں۔

 

Leave a Comment

Your email address will not be published. Required fields are marked *