Type to search

حکومت خبریں سیاست

زرداری نے کہا تھا وہ ایک کمزور آدمی ہیں اور اسٹیبلشمنٹ سے لڑ نہیں سکتے: رانا ثناءاللہ

  •  
  •  
  •  
  •  
  •  
  •  
  •  
  •  
  •  

 مسلم لیگ (ن) کے رہنما رانا ثناءاللہ کا کہنا ہےکہ آصف زرداری نے پی ڈی ایم اجلاس میں کہا تھا کہ  وہ ایک کمزور آدمی ہیں اور اسٹیبلشمنٹ سے لڑ نہیں سکتے۔

جیونیوز کے پروگرام ’آج شاہزیب خانزادہ کے ساتھ‘ میں گفتگو کرتے ہوئے رانا ثنااللہ نے کہا کہ  پی ڈی ایم کے گزشتہ سربراہی اجلاس میں آصف زرداری کی تقریر کے دوران لوگوں نے آکر بتایا کہ باہر تماشا چل رہا ہے جس کے بعد آصف زرداری نے اپنا پینترا بدلا۔

رانا ثنا اللہ کا کہنا تھا کہ آصف زرداری اجلاس میں کہنے لگے کہ وہ ایک کمزور آدمی ہیں اور اسٹیبلشمنٹ سے لڑ نہیں سکتے، انہوں نے کہا کہ میرا ایک ہی بیٹا اور کوئی نہیں۔

لیگی رہنما کا کہنا تھا کہ زرداری صاحب نے یہ باتیں کیں، اس سے کوئی انکار نہیں کرسکتا کیونکہ ان کی آواز میں ریکارڈنگ موجود ہے۔

دوسری جانب پیپلزپارٹی کے رہنما قمر زمان کائرہ نے رانا ثنا اللہ کے دعوے پر ردعمل دیتے ہوئے آصف زرداری کے بیانات کی تصدیق کی۔

جیو نیوز کے پروگرام ’آج شاہزیب خانزادہ کے ساتھ‘ میں گفتگو کرتے ہوئے قمر زمان کائرہ کا کہنا تھا کہ آصف زرداری کی باتوں کا تناظر مختلف تھا۔

Tags:

You Might also Like

Leave a Comment

Your email address will not be published. Required fields are marked *