Type to search

انصاف خبریں

وینا ملک نے وزارت خارجہ کی ملی بھگت سے بچوں کو پاکستان منتقل کیا: شوہر اسد خٹک کی عدالت میں استدعا

  • 1
  •  
  •  
  •  
  •  
  •  
  •  
  •  
  •  
    1
    Share

پاکستانی اداکارہ وینا ملک کے سابق شوہر اسد خٹک کے دو بچوں کو پاکستان منتقلی کیس کی سماعت اسلام آباد ہائی کورٹ کے چیف جسٹس جسٹس اطہر من اللہ نے کی جس میں وزارت خارجہ نے جواب جمع کراتے ہوئے موقف اپنایا کہ اسد خٹک کی درخواست خقائق کے منافی ہے اور ان کی درخواست فی الفور خارج کی جائے۔
اداکارہ کے سابق شوہر اسد خٹک نے موقف اپنایا کہ اداکارہ وینا ملک نے وزارت خارجہ کی ملی بھگت سے بچوں کو پاکستان منتقل کیا۔

ڈی جی وزارت خارجہ نے تحریری جواب اسلام آباد ہائیکورٹ میں جمع کراتے ہوئے موقف اپنایا کہ اسد خٹک نے حقائق چھپاتے ہوئے متنازع مواد کے ساتھ درخواست دائر کی اور وینا ملک نے نادرا کی نائیکوپ کی کاپی دبئی میں پاکستانی ہائی کمیش کو فراہم کی اور
روالپنڈی کی عدالت سے جاری کردہ بچوں کی گارڈینشپ کا سرٹیفکیٹ بھی فراہم کی۔

وزارت خارجہ نے موقف اپنایا کہ پاکستانی قوانین کے مطابق بچوں کو پاسپورٹ جاری کیا گیا ہے اور پاکستانی ہائی کمیشن نے پاسپورٹ جمع کروانے پر ایمرجنسی سفری دستاویزات جاری کی ہے۔

اسلام آباد ہائی کورٹ نے وزارت خارجہ کے جواب کی کاپی اسد خٹک کو فراہم کرنے کا حکم جاری کیا۔

درخواست گزار اسد خٹک نے اپنے درخواست میں موقف اپنایا کہ دبئی عدالت کے حکم کے باوجود وینا ملک نے بچوں کو پاکستان منتقل کیا اور وینا ملک نے وزارت خارجہ کے حکام کی ملی بھگت سے بچوں کو پاکستان منتقل کیا۔ درخواست گزار نے موقف اپنایا کہ میرے بچے امریکی شہریت بھی رکھتے ہیں۔
عدالت نے اسد خٹک کی کیس کی سماعت 20 اپریل تک ملتوی کردی۔

Tags:

Leave a Comment

Your email address will not be published. Required fields are marked *