Type to search

خبریں کھیل مذہب معاشرت

معین علی سے متعلق گھٹیا تبصرے پر برطانوی کھلاڑی کا تسلیمہ نسرین کو منہ توڑ جواب

  •  
  •  
  •  
  •  
  •  
  •  
  •  
  •  
  •  

بنگلہ دیشی سویڈش رائٹر تسلیمہ نسرین نے اپنے آفیشل ٹوئیٹر اکاؤنٹ سے ٹویٹ کی جس میں انہوں نے برطانوی مسلمان آل راؤنڈر معین علی کے بارے میں متنازعہ بیان دیتے ہوئے لکھا کہ اگر معین علی کرکٹ میں نہ گھستے تو وہ شام میں داعش کے ساتھ کام کر رہے ہوتے۔

ان کے اس بیان کو سوشل میڈیا پر تنقید کا سامنا ہے یہاں تک کہ برطانوی باؤلر جوفرا آرچر نے ان کے بیان پر تبصرہ کرتے ہوئے لکھا کہ کیا آپ کی طبیعت ٹھیک ہے، مجھے نہیں لگتا کہ آپ کی طبیعت ٹھیک ہے۔

یاد رہے کہ اس سے قبل برطانوی مسلمان کھلاڑی معین علی نے بھارتی پریمیئر لیگ (آئی پی ایل) میں اپنی کٹ سے الکوحل کا اشتہار ہٹوا دیا۔ برطانوی آل رائونڈر معین علی نے اپنی ٹیم چنائی سپر کنگز کی انتظامیہ سے درخواست کی تھی کہ وہ شراب کے اشتہار کے ساتھ یہ کٹ نہیں پہن سکتے۔

تسلیمہ نسرین نے شاید معین علی کے اس انکار کی بناء پر یہ ٹویٹ کی۔ تاہم سوشل میڈیا پر کھلاڑیوں اور دیگر صارفین نے تسلیمہ نسرین کو حرف تنقید کا نشانہ بنایا۔

بعد ازاں تسلیمہ نسرین نے مختلف ٹویٹ کر کے وضاحت دینے کی کوشش کی کہ انہوں نے معین علی کے بارے میں یہ ٹویٹ طنزیہ انداز میں کی تھی تاہم ان کے خلاف اس لئے پروپیگنڈا کیا جارہا ہے کیونکہ وہ سیکولر سوچ کی حامی ہیں اور دقیانوسی مذہبی خیالات کی مخالفت کرتی ہیں۔

 

Tags:

Leave a Comment

Your email address will not be published. Required fields are marked *