Type to search

حکومت خبریں سیاست

40 اراکین پنجاب اسمبلی جہانگیر ترین کے ساتھ ہیں، اگلی پیشی پر نظر آجائیں گے: PTI ایم پی اے کا دعویٰ

رکن پنجاب اسمبلی سلمان نعیم نے سماء نیوز کے پروگرام لائیو ود ندیم ملک میں میزبان ندیم ملک سے بات کرتے ہوئے دعوی کیا ہے کہ پنجاب اسمبلی میں35 سے 40 افراد جہانگیر ترین کا ساتھ دے رہے ہیں جن میں ایم این ایز بھی شامل ہیں۔

انہوں نے دعویٰ کیا کہ جہانگیر ترین کی اگلی پیشی پر ان تمام ایم پی ایز کو دیکھا جائیگا۔

دوران پروگرام وفاقی وزیر اطلاعات شبلی فراز نے کہا کہ سنی سنائی باتوں پہ یقین نہیں کرنا چاہیئے۔

اس کے جواب میں سلمان نعیم نے کہا کہ جہانگیر ترین کی اگلی پیشی تک رک جائیں آپ کو تمام اراکین کا پتہ چل جائے گا۔

ندیم ملک نے سلمان نعیم سے سوال کیا کہ آپ کی ان باتوں سے اگر وزیراعظم عمران خان نے پارٹی ڈسپلن کی بناء پر آپ کے خلاف ایکشن لیا تو آپ کیا کریں گے؟

جواب میں سلمان نعیم نے کہا کہ میں آزاد حیثیت میں رکن صوبائی اسمبلی منتخب ہوا تھا اور بعد میں پی ٹی آئی میں گیا ، میرے خلاف پارٹی ڈسپلن کی بنیاد پر کوئی کاروائی نہیں کر سکتا۔

Tags:

You Might also Like

Leave a Comment

Your email address will not be published. Required fields are marked *