Type to search

خبریں

حکومت اور ٹی ایل پی معاہدے پرمکمل عمل ہوچکا، قرار داد بھی آگئی، لوگ رہا ہوگئے: فواد چوہدری

  • 11
  •  
  •  
  •  
  •  
  •  
  •  
  •  
  •  
    11
    Shares

وفاقی وزیر اطلاعات و نشریات فواد حسین چوہدری کا کہنا ہے کہ وفاق اور کالعدم تحریک لبیک پاکستان کے درمیان ہونے والے معاہدے پر مکمل عمل درآمد ہوچکا ہے۔

مائیکرو بلاگنگ سائٹ پر اپنے بیان میں وفاقی وزیر اطلاعات و نشریات چوہدری فواد چوہدری کا کہنا تھا کہ حکومت اور کالعدم تحریک کے درمیان معاہدے پر مکمل عملدرآمد ہو چکا ہے، قراداد بھی پارلیمنٹ میں پیش ہوچکی ہے۔

انہوں نے مزید کہا کہ حکومت کی جانب سے کالعدم ٹی ایل پی کے گرفتار لوگ رہا کر دئیے گئے ہیں اور اس ضمن میں ملک میں احتجاج کا سلسلہ ختم ہو چکا۔

اپوزیشن اتحاد پر بات کرتے ہوئے وزیر اطلاعات کا کہنا تھا کہ ن لیگ یا پیپلز پارٹی اپنی قراداد لانا چاہتے ہیں تو یہ ان کا حق ہے، تاہم حکومت کا اس سے کوئی لینا دینا نہیں ہے۔

قومی اسمبلی کا اجلاس آج ہے، پرائیویٹ رکن اسمبلی کی جانب سے20اپریل کو پیش کی گئی قرارداد پر بحث کی جائےگی۔

Tags:

You Might also Like

Leave a Comment

Your email address will not be published. Required fields are marked *