Type to search

خبریں

عمران خان پر اعتماد نہ کرنیوالوں کی پارٹی میں کوئی گنجائش نہیں: شاہ محمود کےجہانگیر ترین پر تنقیدی وار

  • 12
  •  
  •  
  •  
  •  
  •  
  •  
  •  
  •  
    12
    Shares

وفاقی وزیر خارجہ و پاکستان تحریک انصاف ک سینئر رہنما شاہ محمود قریشی نے کہا ہےکہ عمران خان تحریک انصاف کے بانی چیئرمین ہیں اور ان پر اعتماد نہ کرنے والوں کی پارٹی میں رہنے کی گنجائش نہیں۔

جیونیوز کے پروگرام جیو پاکستان میں گفتگو کرتے ہوئے شاہ محمود قریشی نے کہا کہ ہمارے تمام منتخب اراکین عمران خان کے ڈسپلن کے پابند ہیں، اعتماد کے ووٹ اور فنانس بل پرکوئی پارٹی ڈسپلن کی خلاف ورزی نہیں کرسکتا جب کہ حکومتی مؤقف کے ساتھ نہ چلنے والوں کی رکنیت متاثر ہوسکتی ہے اس لیے یقین ہے وہ ایسا نہیں کریں گے۔

انہوں نے کہا کہ وزیراعظم نے اراکین کو دعوت دی، ان کی گفتگو سنی اور یقین دلایا کہ ناانصافی نہیں ہوگی، ان کی خواہش تھی کہ تحقیقات کیلئے ان کی پسندیدہ شخصیت کو نامزد کیا جائے، وزیراعظم نے ان کے کہنے پر علی ظفر کو ذمہ داریاں سونپیں،  اب علی ظفر نے ابھی اپنی رپورٹ وزیراعظم کو پیش کرنا ہے۔

وزیر خارجہ نے جہانگیر ترین کا نام لیے بغیر کہا کہ عمران خان آپ کے لیڈر ہیں تو ان پر اعتماد کریں، اگرآپ عمران خان پراعتمادنہیں کرتے توآپ کے پاس تحریک انصاف میں رہنےکی گنجائش نہیں رہتی کیونکہ پی ٹی آئی عمران خان ہے، عمران خان بانی چیئرمین ہیں، عمران خان نہ ہوتے، ان کے ووٹرز نہ ہوتے تو یہ لوگ بھی اسمبلی میں نہیں ہوتے، عمران خان کو لیڈر مانتے ہیں تو لیڈر کے فیصلوں پر آمادگی ظاہر کرنا ہوتی ہے۔

انہوں نے کہا کہ ‘وزیر اعظم عمران خان سے ملاقات کےبعد علی ظفر کو انکوائری کی ذمہ داری دی گئی اور وہ جلد اپنی رپورٹ پیش کریں گے لیکن اس دوران اتنی عجلت دکھانا بے معنیٰ ہے۔ ان صاحبان کو فیصلہ کرنا چاہیے کہ وہ عمران خان کو اپنا لیڈر مانتے ہیں تو ان کے فیصلوں پر آمادگی کا اظہار کریں۔

Tags:

You Might also Like

Leave a Comment

Your email address will not be published. Required fields are marked *