Type to search

خبریں

’نادرا اختیارات سے تجاوز نہ کرے‘ ہائی کورٹ کے حکم پر حافظ حمد اللہ سمیت 10 شہریوں کا شناختی کارڈ بحال

  •  
  •  
  •  
  •  
  •  
  •  
  •  
  •  
  •  

اسلام آباد ہائی کورٹ نے نادرا کی سرزنش کرتے ہوئے کہا ہے کہ کہ نادرا خود سے کسی بھی شہری کا شناختی کارڈ بلاک ، معطل یا منسوخ نہیں کر سکتا۔ عدالت نے تفصیلی فیصلے میں حافظ حمد اللہ سمیت 10 شہریوں کے بلاک شدہ شناختی کارڈ بحال کرنے کا حکم دے دیا۔

تفصیلات کے مطابق چیف جسسٹس اطہر من اللہ نے 29 صفحات پر مشتمل تفصیلی فیصلہ جاری کرتے ہوئے عبدالرحیم ، نائیک محمد ، محمد حنیف اور دیگر کے شناختی کارڈ بھی بحال کرنے کا حکم دیا۔

اسلام آباد ہائیکورٹ نے تفصیلی فیصلہ میں قرار دیا کہ نادرا کسی کو بھی شہریت سے محروم کرنے کا اختیار نہیں رکھتا ، اس کا کام صرف رجسٹریشن کرنا اور ڈیٹا بیس برقرار رکھنا ہے ، نادرا خود سے نہ شناختی کارڈ بلاک، نہ معطل اور نہ منسوخ کرسکتا ہے۔

فیصلے میں کہا گیا کہ شہریت کا معاملہ سٹیزن شپ ایکٹ کے تحت متعلقہ اتھارٹی ہی دیکھ سکتی ہے، شناختی کارڈ معطل یا بلاک کرنے کے لئے جوڈیشل آرڈر ضروری ہے، حافظ حمد اللہ پاکستان میں پیدا ہوئے، ان کا بیٹا پاک فوج میں خدمات انجام دے رہا ہے، کچھ ریکارڈ پر موجود نہیں آخر یہ نتیجہ نکالا کیسے گیا کہ حمد اللہ اور دیگر پاکستانی شہری نہیں ہیں، محض کسی انٹیلی جنس ایجنسی کی رپورٹ پر نادرا کسی کی شہریت ختم نہیں کر سکتا۔

ہائیکورٹ کے تفصیلی فیصلے میں مزید کہا گیا کہ شہریت بنیادی حق ہے جس کے بغیر کوئی سیاسی ، معاشرتی حقوق نہیں مل سکتے، پیدائشی پاکستانی قانونی طور پر خود بخود پاکستانی شہری بن جاتا ہے، حافظ حمد اللہ کے ٹی وی پر آنے کی پیمرا پابندی اختیار کا غلط استعمال تھا ، پیمرا نے آئین کے آرٹیکل 19میں دیئے حقوق کی خلاف ورزی کرکے نوٹیفکیشن جاری کیا۔ واضح رہے کہ نادرا نے اکتوبر 2019ء میں حافظ حمد اللہ کا شناختی کارڈ بلاک اور شہریت منسوخ کردی تھی جس کے بعد اکتوبر 2020ء کو عدالت نے اس کیس کا فیصلہ محفوظ کیا تھا جو 19 مئی 2021ء کو سنایا گیا تھا تاہم کیس کا تفصیلی فیصلہ آج جاری کیا گیا

Tags:

You Might also Like

Leave a Comment

Your email address will not be published. Required fields are marked *