Type to search

خبریں

’میا خلیفہ کا ٹک ٹاک پاکستان میں بند‘ فینز کے لئے اپنی ویڈیوز ٹوئٹر پہ لگاؤں گی: میا خلیفہ

  • 770
  •  
  •  
  •  
  •  
  •  
  •  
  •  
  •  
    770
    Shares

لبنانی نژاد سابقہ پورن سٹار میا خلیفہ نے اپنے ٹوئٹر اکاؤنٹ سے دعویٰ کیا ہے کہ پاکستان میں ان کے ٹک ٹاک پر پابندی لگا دی گئی ہے جس کے بعد اب وہ اپنے پاکستانی مداحوں کے لیے ٹک ٹاک ویڈیوز اپنے ٹوئٹر اکاؤنٹ پر شیئر کیا کریں گی۔

میا خلیفہ نے ایک ٹویٹ کے ذریعے اپنے پاکستانی مداحوں کو پیغام دیا ہے کہ ’ملک میں میرا ٹک ٹاک اکاؤنٹ بند کرنے پر میں پاکستان کا خاص طور پر ذکر (شاؤٹ آؤٹ) کرنا چاہوں گی۔ اب سے میں اپنے ان پاکستانی فینز کے لیے اپنی تمام ٹک ٹاک ویڈیوز ٹوئٹر پر شیئر کروں گی جو فاشزم (کی جانب سے لگائی گئی پابندیوں) کو ناکام بنانا چاہتے ہیں۔‘

بی بی سی کی رپورٹ کے مطابق پاکستان میں میا خلیفہ کے ٹک ٹاک اکاؤنٹ پر ان کی کوئی ویڈیو نظر نہیں آتی تاہم کسی اور ملک کے آئی پی ایڈریس سے اسی اکاؤنٹ پر ویڈیوز نظر آنے لگتی ہیں۔

اس کے علاوہ جب میا خلیفہ کا نام پاکستان سے ٹک ٹاک پر سرچ کیا جائے تب بھی کوئی سرچ رزلٹس سامنے نہیں آتے۔

حال پاکستانی حکام کی جانب سے اس بارے میں بتایا نہیں گیا ہے کہ آیا حکومت نے ٹک ٹاک سے یہ پابندی لگانے کی درخواست کی تھی، اور پاکستان ٹیلی کمیونیکیشن اتھارٹی نے تبصرے کے لیے بی بی سی کے سوال کا جواب نہیں دیا ہے۔

دوسری جانب ٹک ٹاک نے بی بی سی کو بتایا ہے کہ وہ قابلِ اطلاق قوانین اور اپنے پلیٹ فارم کے اصولوں کے تحت ریگولیٹرز کی جانب سے مواد کو ہٹانے یا اس تک رسائی محدود کرنے کی درخواستوں کا جائزہ لیتے ہیں۔

میا خلیفہ اس سے قبل بھی پاکستانی سوشل میڈیا پر بحث کی زینت بنتی رہی ہیں۔ اسی سال کے آغاز میں ان کی جانب سے انڈین کسانوں کے حق میں کیے گئے ٹویٹس اور حال ہی میں فلسطینیوں کے حق میں آواز اٹھانے پر انھیں خوب پذیرائی ملی ہے۔

Tags:

You Might also Like

Leave a Comment

Your email address will not be published. Required fields are marked *